கட்டையால் தாக்கப்பட்ட பெண் மரணம்: கொலை வழக்காக மாற்றி போலீஸாா் விசாரணை

தூத்துக்குடியில் கட்டையால்தாக்கப்பட்ட பெண் வெள்ளிக்கிழமை உயிரிழந்ததையடுத்து, கொலை முயற்சி வழக்கை கொலை வழக்காக மாற்றி தென்பாகம் போலீஸாா் விசாரித்து வருகின்றனா்.

தூத்துக்குடி மாவட்டம் ஏரல் அருகே உள்ள பண்டாரவிளையைச் சோ்ந்த லிங்கராஜ் மனைவி ஜெபா வயலட் (25). இவருக்கு, தூத்துக்குடி கட்டபொம்மன் நகரை சோ்ந்த பெத்தையா மகன் மாரிக்கனி (25) என்பவருடன் பழக்கம் ஏற்பட்டதாம்.

இந்நிலையில், தூத்துக்குடிக்கு புதன்கிழமை வந்த ஜெபா வயலட்டுக்கும், மாரிக்கனிக்கும் தகராறு ஏற்பட்டதாம். அப்போது, ஜெபா வயலட் தலையில் மாரிக்கனி கட்டையால் தாக்கிவிட்டு தப்பிச் சென்ாகக் கூறப்படுகிறது. பலத்த காயமடைந்த ஜெபா வயலட்டை மீட்டு தூத்துக்குடி அரசு மருத்துவக் கல்லூரி மருத்துவமனையில் சோ்த்தனா். இது குறித்த புகாரின்பேரில் தென்பாகம் போலீஸாா் வழக்குப் பதிந்து மாரிக்கனியை கைது செய்தனா்.

இந்நிலையில், மருத்துவமனையில் சிகிச்சை பெற்றுவந்த ஜெபா வயலட், வெள்ளிக்கிழமை உயிரிழந்தாா். இதையடுத்து இந்த வழக்கை கொலை வழக்காக மாற்றி போலீஸாா் விசாரித்து வருகின்றனா்.

மளிகைக் கடையில் திருட்டு: தூத்துக்குடி அண்ணா நகரைச் சோ்ந்தவா் திருப்பதிராஜா (33). தூத்துக்குடி காமராஜா் காய்கனி சந்தை அருகே மளிகைக் கடை நடத்தி வருகிறாா். இவா் வெள்ளிக்கிழமை காலையில் கடையை திறக்க வந்தபோது, கதவின் பூட்டு உடைக்கப்பட்டிருந்தது. கல்லா பெட்டியில் வைத்திருந்த ரூ.50 ஆயிரம் திருடப்பட்டிருந்தது.

இது குறித்து மத்திய பாகம் காவல் நிலையத்தில் புகாா் அளித்தாா். போலீஸாா் வழக்குப் பதிவு செய்து, அப்பகுதிகளில் உள்ள சிசிடிவி கேமரா காட்சிகளைக் கைப்பற்றி, திருடிய மா்ம நபா்களைத் தேடி வருகின்றனா்.