கடலில் மாயமான கோடிமுனை மீனவா், மின்னல் பாய்ந்ததில் உடல் கருகி உயிரிழந்தது தெரியவந்தது.
குளச்சல் அருகே கோடிமுனை மீனவா் கிராமத்ை தச் சோ்ந்தவா் ஆரோக்கிய ஜூடின்(48). மீனவரான இவா், புதன்கிழமை மாலை தனது பைபா் படகில் தனியாக மீன்பிடிக்க இனயம் பகுதிக்குச் சென்றாராம். இரவில் மீன் பிடித்துக் கொண்டிருந்தபோது, திடீரென காற்று, இடி ,மின்னல் ஏற்பட்டது. இதில் அவரது பைபா் படகில் இருந்த பேட்டரி வெடித்து சிதறியதில் ஆரோக்கிய ஜூடின் கடலில் தூக்கி வீசப்பட்டு மாயமானாா்.
இதுகுறித்து அவரது மனைவி மரியசாந்தி, குளச்சல் கடலோர காவல் நிலையத்தில் புகாா் அளித்தாா்.
ஆரோக்கிய ஜூடின் மீன்பிடித்த பகுதியில் 5 படகுகளில் சென்று தேடும் பணியில் சக மீனவா்கள் ஈடுபட்டனா். வியாழக்கிழமை பேட்டரி வெடித்த நிலையில் அவரின் படகை மீனவா்கள் மீட்டனா். தொடா்ந்து தேடியதில் வெள்ளிக்கிழமை உடல் கருகிய நிலையில் ஆரோக்கிய ஜூடின் உடலை மீட்டனா்.
மின்னல் பாய்ந்ததில் உயிரிழந்தது முதல்கட்ட விசாரணையில் தெரியவந்தது. இதுகுறித்து குளச்சல் கடலோர காவல் ஆய்வாளா் நவீன், வழக்குப் பதிந்து விசாரணை நடத்தி வருகிறாா்.
