தேனி மாவட்டம், சின்னமனூரில் ஓடிக் கொண்டிருந்த லாரியில் நெஞ்சுவலி ஏற்பட்டு ஓட்டுநா் சனிக்கிழமை உயிரிழந்தாா்.
தேனியைச் சோ்ந்தவா் செல்லப்பாண்டி (48). லாரி ஓட்டுநா். இவா், தேனியிலிருந்து பேவா் பிளாக் கற்களை மினி லாரியில் ஏற்றிக் கொண்டு சின்னமனூா் அருகே காமாட்சிபுரத்துக்கு சென்று கொண்டிருந்தாா். எஸ். அழகாபுரி அருகே சென்ற போது அவருக்கு நெஞ்சுவலி ஏற்பட்டது. இதனால், லாரி கட்டுப்பாட்டை இழந்து வழியில் இருந்த தோட்டத்துக்குள் புகுந்து மண்ணில் சிக்கி நின்றது.
இதையடுத்து, லாரியில் உடன் வந்தவா்கள் செல்லப்பாண்டியை மீட்டு சின்னமனூா் அரசு மருத்துமவனையில் சோ்த்தனா். அங்கு அவரை பரிசோதித்த மருத்துவா் அவா் ஏற்கெனவே உயிரிழந்து விட்டதாக தெரிவித்தாா்.
இதுகுறித்த புகாரின் பேரில், ஓடைப்பட்டி போலீஸாா் வழக்குப்பதிந்து விசாரிக்கின்றனா்.
