'முழு கல்விக் கட்டணம் டு லேப்டாப்' - பெடரல் வங்கி வழங்கும் உதவித்தொகை - யார் யார் விண்ணப்பிக்கலாம்?!

கல்லூரி மாணவ-மாணவிகளுக்கு பெடரல் வங்கி தங்களது நிறுவனர் கே.பி.ஹார்மிஸ் நினைவாக 'பெடரல் வங்கி ஹார்மிஸ் நினைவு உதவித்தொகை 2024-25' வழங்க விண்ணப்பங்களை கோரியுள்ளது.

யார் யார் விண்ணப்பிக்கலாம்?

• எம்.பி.பி.எஸ், பி.இ / பி.டெக், பி.எஸ்.சி நர்சிங், எம்.பி.ஏ (முழு நேரப்படிப்பு), பி.எஸ்.சி விவசாயம், பி.எஸ்.சி கூட்டுறவு மற்றும் பேங்கிங் ஆகிய துறைகளில் முதலாம் ஆண்டு படிக்கும் மாணவர்கள் விண்ணப்பிக்கலாம்.

• இந்த உதவித்தொகைக்கு விண்ணப்பிக்கும் மாணவர்கள் தமிழ்நாடு, குஜராத், கர்நாடகா, கேரளா, மகாராஷ்டிரா, பஞ்சாப் மாநிலங்களை சேர்ந்தவர்களாக இருக்க வேண்டும்.

• விண்ணப்பதாரர்கள் அரசு அல்லது அரசு உதவி பெறும் கல்லூரிகளில் மெரிட் அடிப்படையில் சீட் பெற்றிருக்க வேண்டும்.

• மறைந்த ராணுவ அதிகாரிகளின் பிள்ளைகள் மற்றும் மாற்று திறனாளிகள் விண்ணப்பிக்கலாம்.

என்னென்ன சலுகைகள் கிடைக்கும்?

• கல்லூரி கட்டணம் முழுவதும் ஏற்றுக்கொள்ளப்படும் மற்றும் கல்வி சம்பந்தமான பிற தேவைகளுக்கு ரூ.1 லட்சம் வரை வழங்கப்படும்.

• வேண்டுமானால், ஒரு கணினி, லேப்டாப் அல்லது டேப்லெட் வாங்க காசு வழங்கப்படும்.

என்னென்ன ஆவணங்கள் வேண்டும்?

சேர்க்கை கடிதம் (Admission letter), கல்லூரி கட்டண விவரங்கள், மதிப்பெண் சான்றிதழ்கள், குடும்ப வருமான சான்றிதழ்கள் மற்றும் இன்னும் சில ஆவணங்கள்.

குறிப்பு: விண்ணப்பதாரர்கள் மதிப்பெண் மற்றும் குடும்ப வருமானம் அடிப்படையில் தேர்ந்தெடுக்கப்படுவார்கள். அப்படி தேர்ந்தெடுக்கப்பட்டவர்கள் ஆவண சரிபார்ப்புக்கு அழைக்கப்படுவார்கள். பின்னர், உதவித்தொகை பெறும் மாணவர்களின் பெயர்கள் பெடரல் வங்கி இணையதளத்தில் வெளியிடப்படும்.

விண்ணப்பிக்க கடை தேதி: டிசம்பர் 18, 2024.

விண்ணப்பிக்கும் இணையதளம்:www.federalbank.co.in