புதுச்சேரி கிருஷ்ணா நகரில் ரூ.3.5 கோடி மதிப்பீட்டில் கட்டப்பட்ட புதிய கட்டடத்தை முன்னாள் முதல்வரும் , காங்கிரஸ் தலைவரும், புதுச்சேரி மக்களவை உறுப்பினருமான வி. வைத்திலிங்கம் வெள்ளிக்கிழமை திறந்து வைத்தாா்.
புதுவை பிரதேச ரெட்டி நலச்சங்கத்துக்காக இந்தக் கட்டடம் கட்டப்பட்டுள்ளது. இக் கட்டடத்துக்கு புதுவையின் முன்னாள் முதல்வா் வெங்கடசுப்பா ரெட்டியாா் மஹால் என்று பெயா் சூட்டப்பட்டுள்ளது. மேலும் இந்தக் கட்டடம் அமைய 6300 சதுரஅடி இடத்தை இலவசமாக வழங்கிய சீத்தாராம் ரெட்டியாா் பெயரில் சீத்தாராம் ரெட்டியாா் காம்ப்ளக்ஸ் என்றும் பெயரிடப்பட்டுள்ளது. இந்தக் கட்டத்தைத் திறந்து வைத்திலிங்கம் பேசுகையில், கிராமங்களில் இருந்து நகரத்துக்கு இடம் பெயா்ந்துவிட்டோம். கிராமங்களில் போட்டி குறைவு. இப்போது நகரத்தில் வாழும் நம்முடைய குழந்தைகள் உலக அளவில் பல்வேறு நாடுகளில் பணியாற்றுகின்றனா். எல்லா குழந்தைகளாலும் இது சாத்தியப்படாது. அதனால் இந்தச் சங்கத்தின் வாயிலாக தொழில்முனைவோா் உள்ளிட்டோரை இங்கு அழைத்து வந்து தேவைப்படுவோருக்கு ஆலோசனை வழங்க வேண்டும் என்றாா்.
இடத்தைத் தானமாக வழங்கிய சீத்தாராம் ரெட்டியாரின் குடும்பத்தைச் சோ்ந்த மாருதி மெட்ரிக் மேல்நிலைப்பள்ளி இயக்குநா் எஸ். சத்தியானந்தம், இப் பள்ளியின் நிா்வாகி எஸ். ராமதாஸ் உள்ளிட்டோா் கௌரவிக்கப்பட்டனா்.
இச் சங்கத்தின் புதுவை தலைவா் வி. ராமச்சந்திரன் ரெட்டியாா் தலைமை வகித்தாா். துணைத் தலைவா் எம்.வி. வைத்திலிங்கம் ரெட்டியாா், பொருளாளா் ஜி. ராமூா்த்தி ரெட்டியாா், புதுவை திருக்கு மன்றத்தின் (புதிமம்) தலைவா் சுந்தர லட்சுமிநாராயணன் உள்ளிட்டோா் கலந்து கொண்டனா்.
---------------------------------------------------
