மன்னாா்குடி அருகே லாரிகளில் மணல் கடத்தி வந்த 2 போ் திங்கள்கிழமை கைது செய்யப்பட்டனா்.
மாவட்ட புவியியல் துறை உதவி இயக்குநா் புவனேஸ்வரி தலைமையில் துறை அலுவலா்கள், திங்கள்கிழமை இரவு மன்னாா்குடி-தஞ்சை பிரதானசாலை காரிக்கோட்டை பேருந்து நிறுத்தம் அருகே வாகன சோதனையில் ஈடுபட்டிருந்தனா்.
அப்போது, அவ்வழியே கும்பகோணம் பட்டீஸ்வரத்தைச் சோ்ந்த அன்பு மகன் அரவிந்தன் (35), பட்டுக்கோட்டை மணல்மேல்குடியைச் சோ்ந்த ராமு மகன் சிவா (25) ஆகியோா் ஓட்டி வந்த மணல் லாரிகளை மறித்து சோதனை செய்ததில், அரசு அனுமதியின்றி மணல் கடத்தி வந்திருப்பது தெரியவந்தது.
இதையடுத்து, 2 லாரிகளையும் எடுத்து வந்து மன்னாா்குடி காவல்நிலையத்தில் ஒப்படைத்து அளித்த புகாரின்பேரில் போலீஸாா் வழக்கு பதிந்து லாரி ஓட்டுநா்கள் அரவிந்தன், சிவா ஆகிய இருவரையும் கைது செய்தனா்.
