நெல்லையில் இருந்து சென்னைக்கும், சென்னையில் இருந்து நெல்லைக்கும் வந்தே பாரத் ரயில் இயக்கப்படுகிறது. நெல்லை சந்திப்பில் இருந்து காலை 6 மணிக்கு புறப்படும் இந்த ரயில் பிற்பகல் 1.50 மணிக்கு சென்னை எழும்பூர் சென்றடைகிறது. இந்த ரயிலில் பயணிகளுக்கு காலை உணவு வழங்கப்படுகிறது. இதற்காக பயணச்சீட்டில் உணவிற்காக ரூ.200 வசூலிக்கப்படுகிறது.
நெல்லையில் இருந்து காலையில் சென்னை வந்தே பாரத் ரயிலில் பாளையங்கோட்டையைச் சேர்ந்த சுடலைக்கண்ணு என்பவரும், அவரது நண்பரான நாங்குநேரியைச் சேர்ந்த முருகன் ஆகிய இருவரும் திருச்சிக்கு பயணம் செய்தனர். காலை 8 மணியளவில் ரயில் பயணிகளுகு ரயில்வே கேண்டீன் ஊழியர்கள் காலை உணவு விநியோகம் செய்தனர். அதில் 2 இட்லி, கேசரி, சாம்பார், வடை ஆகியவை வழங்கப்பட்டது.
இதனையடுத்து முருகன் சாப்பிடுவதற்காக பார்சலை திறந்து சாம்பாரை ஊற்றியபோது கருப்பாக தெரிவதைக் கூர்ந்து கவனித்ததில் வண்டுகள் கிடப்பதை பார்த்து அதிர்ச்சியடைந்தார். உடனடியாக அவரது நண்பர், சுடலைக்கண்ணு சக பயணிகளை சாப்பிட வேண்டாம் என அறிவுறுத்தியுள்ளார். அதைத் தொடர்ந்து சக பயணிகளும் சாப்பிடுவதை நிறுத்தியுள்ளனர். இதுகுறித்து சுடலைக்கண்ணு ரயில்வே அதிகாரிகளிடம் உணவில் வண்டுகள் கிடந்ததை காண்பித்துள்ளார். அஜாக்கிரதையாக செயல்பட்ட ரயில்வே கேண்டீன் ஊழியர்கள் மீது நடவடிக்கை எடுக்கவும் வலியுறுத்தினார்.
சாம்பாரில் வண்டுகள் கிடந்தது பற்றி ரயில்வே ஊழியர்களிடம் கேட்டபோது, “அது சீரகம்” எனச் சொல்லி மழுப்பியுள்ளனர். சக பயணிகள் அனைவரும் கேள்வி எழுப்பி உணவு பிரிவு ரயில்வே அதிகாரியிடம் காண்பிக்கவே, வண்டுகள் கிடந்ததை ஒப்புக் கொண்டார். இதுகுறித்து ரயில்வே போலீஸார் விசாரணை நடத்தி வருகின்றனர்.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்... https://tinyurl.com/2b963ppb
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb
