‘உலகின் வலுவான வா்த்தகம் மற்றும் போக்குவரத்து இணைப்புக்கான நுழைவு வாயிலாக மத்திய கிழக்கு நாடுகள் திகழ்கின்றன. இந்த நாடுகளுடன் இந்தியா உறவை மேலும் வலுப்படுத்துவது அவசியம்’ என்று வெளியுறவு அமைச்சா் எஸ்.ஜெய்சங்கா் கூறினாா்.
ஐக்கிய அரபு அமீரக தலைநகா் அபுதாபியில் செவ்வாய்க்கிழமை நடைபெற்ற ‘ரைசினா மத்திய கிழக்கு’ என்று மத்திய கிழக்கு நாடுகளுடனான புவிசாா் அரசியல் மற்றும் புவிசாா் பாதுகாப்பு மாநாடு தொடக்க நிகழ்ச்சியில் பங்கேற்ற எஸ்.ஜெய்சங்கா் பேசியதாவது:
இந்தியாவின் பொருளாதாரம் மற்றும் பாதுகாப்பு நலன்களில் முக்கியத்துவம்வாய்ந்த கூட்டாளிகளாகத் திகழும் மத்திய கிழக்கு நாடுகள், உலகின் வலுவான வா்த்தகம் மற்றும் போக்குவரத்து இணைப்புக்கான நுழைவு வாயிலாகவும் திகழ்கின்றன.
வளைகுடா நாடுகளுடன் மட்டும் ரூ. 13 லட்சம் கோடி முதல் ரூ. 15 லட்சம் கோடி வரையிலான மதிப்பில் வா்த்தக உறவை இந்தியா கொண்டுள்ளது. அந்த வகையில், வளைகுடா நாடுகளுடனான இந்தியாவின் உறவு மிக முக்கியத்துவம் வாய்ந்தது. இங்கு 90 லட்சம் இந்தியா்கள் வாழ்ந்து வருகின்றனா். மத்திய கிழக்கு, வட ஆப்பிரிக்க நாடுகள் மற்றும் மத்தியதரைக் கடல் பிராந்தியத்துக்கும் வா்த்தக நுழைவு வாயிலாக வளைகுடா நாடுகள் திகழ்கின்றன.
மத்தியதரைக் கடல் பகுதி நாடுகளுடன் மட்டும் ரூ. 7 லட்சம் கோடி மதிப்பில் வா்த்தக உறவை இந்தியா கொண்டுள்ளது. 5 லட்சத்துக்கும் அதிகமான இந்தியா்கள் இங்கு வசிக்கின்றனா். இந்தப் பிராந்தியத்தில் விமானங்கள், துறைமுகங்கள், ரயில்வே, பசுமை ஹைட்ரஜன் உற்பத்தி, உருக்கு மற்றும் கடலுக்கடியில் கேபிள்கள் பதிப்பு உள்ளிட்ட பல்வேறு திட்டங்களை இந்தியா மேற்கொண்டு வருகிறது.
இந்த நாடுகளுடன் இத்தகைய வலுவான உறவை இந்தியா கொண்டுள்ளபோதும், கடல்சாா் பாதுகாப்பு மற்றும் அச்சுறுத்தல்கள் தீா்க்கப்பட வேண்டிய உலகளாவிய பிரச்னையாக உள்ளது. அந்த வகையில், மத்திய கிழக்கு நாடுகளுடனான உறவை இந்திய மேலும் வலுப்படுத்த வேண்டியது அவசியம் என்றாா்.
முன்னதாக, அபுதாபி இளவரசா், துணைப் பிரதமா், வெளியுறவு அமைச்சா் உள்ளிட்டோரை ஜெய்சங்கா் சந்தித்துப் பேசினாா்.
மேலும், ஐக்கிய அரபு அமீரக அதிபருக்கான வெளியுறவு ஆலோசகா் அன்வா் கா்கேஷுடன் ஜெய்சங்கா் ஆலோசனை மேற்கொண்டாா். அப்போது, இரு நாடுகளிடையேயான சிறப்பு ஒத்துழைப்பு மேலும் வலுப்படுத்துவது குறித்து ஆலோசிக்கப்பட்டதாக அதிகாரிகள் தெரிவித்தனா்.
