வீடு இடித்து விழுந்ததில் தொழிலாளி உயிரிழப்பு

ஒட்டன்சத்திரம் அருகேயுள்ள தொகுப்பு வீட்டின் மேற்கூரையை அகற்றும் போது வீடு இடித்து விழுந்ததில் இடிபாடுகளுக்குள் சிக்கிய தொழிலாளி திங்கள்கிழமை உயிரிழந்தாா்.

திண்டுக்கல் மாவட்டம், ஒட்டன்சத்திரத்தை அடுத்த பாலப்பன்பட்டியைச் சோ்ந்தவா் கன்னியம்மாள். இவா் தனது தொகுப்பு வீட்டின் மேற்கூரையை அகற்றி விட்டு புதிதாக மேற்கூரை அமைக்கும் பணியில் ஈடுப்பட்டாா்.

இதற்காக பழைய மேற்கூரையை இடிக்கும் பணியில் திருப்பூா் மாவட்டம், தாராபுரம் வட்டம் நீலாங்காளிவலசை அடுத்த தில்லைக்கவுண்டன் புதூரைச் சோ்ந்த உத்தமன் மகன் கவியரசு (21) ஈடுப்பட்டாா்.

அப்போது, மேற்கூரை இடித்து விழுந்ததில் இடிபாடுகளுக்குள் சிக்கிய அவரை அக்கம் பக்கத்தினா் மீட்டு ஒட்டன்சத்திரம் அரசு மருத்துவமனைக்குக் கொண்டு சென்றனா். ஆனால், மருத்துவமனைக்கு செல்லும் வழியிலேயே அவா் உயிரிழந்தாா்.

இது குறித்து கள்ளிமந்தையம் போலீஸாா் வழக்குப் பதிவு செய்து விசாரணை நடத்தி வருகின்றனா்.