சிவகங்கை மாவட்டம், காரைக்குடி அருகே வீடு புகுந்து தங்க நகைகள் திருடப்பட்டது தொடா்பாக இருவரை போலீஸாா் ஞாயிற்றுக்கிழமை கைது செய்தனா்.
பள்ளத்தூா் அருகே கருவியாபட்டி கிராமத்தைச் சோ்ந்த சே. செந்தில்குமாரின் வீட்டின் கதவை உடைத்து உள்ளே புகுந்த மா்ம நபா்கள் தங்க நகைகள், கோயில் நகைகளை திருடிச் சென்று விட்டதாக அளிக்கப்பட்ட புகாரின் பேரில் பள்ளத்தூா் போலீஸாா் வழக்குப்பதிந்து விசாரித்தனா்.
மேலும் மாவட்ட காவல் கண்காணிப்பாளா் பிரவீன் உமேஷ் டோங்கரே உத்தரவின் பேரில், காரைக்குடி உள்கோட்ட காவல் துணைக் கண்காணிப்பாளா் (பொறுப்பு) ஆத்மநாதன் மேற்பாா்வையில், காரைக்குடி வடக்கு காவல் ஆய்வாளா் ரவீந்திரன், பள்ளத்தூா் காவல் ஆய்வாளா் சுந்தரி, உதவி ஆய்வாளா் இளையராஜா ஆகியோரைக் கொண்ட தனிப்படை அமைக்கப்பட்டது.
இந்தத் தனிப்படையினா் கண்காணிப்பு கேமராவில் பதிவான காட்சிகளை ஆய்வு செய்து மா்ம நபா்களைத் தேடிவந்தனா். அப்போது திருட்டில் ஈடுபட்டது, கருவியாபட்டி மாரியம்மன் கோயில் தெருவைச் சோ்ந்த சே. சுரேஷ், அரியக்குடி க. சோமசுந்தரம் ஆகியோா் என்பது தெரியவந்தது.
இதையடுத்து போலீஸாா் அவா்கள் இருவரையும் கைது செய்து 103 பவுன் தங்க நகைகள், 4 கிலோ வெள்ளிப் பொருள்கள், ரூ. 1.55 லட்சம் ஆகியவற்றை கைப்பற்றினா். இந்த வழக்கில் சிறப்பாக செயல்பட்ட காரைக்குடி உள்கோட்ட காவல் துணைக் கண்காணிப்பாளா் (பொறுப்பு) ஆத்மநாதன் தலைமையிலான தனிப்படையினரை மாவட்ட காவல் கண்காணிப்பாளா் பாராட்டினாா்.
