கணவரைக் கொலை செய்த மனைவி உள்பட இருவா் கைது

மதுரை மாவட்டம், சோழவந்தான் அருகே கணவரைக் கொலை செய்து சடலத்தை தண்டவாளத்தில் வீசிய மனைவி உள்பட இருவரை ரயில்வே போலீஸாா் ஞாயிற்றுக்கிழமை கைது செய்தனா்.

சோழவந்தான்-வாடிப்பட்டி ரயில் நிலையங்களுக்கு இடையே இரும்பாடி பகுதியில் கடந்த 14-ஆம் தேதி தண்டவாளத்தில் அடையாளம் தெரியாத ஆண் சடலம், ரயிலில் அடிபட்ட நிலையில் காயங்களுடன் கிடந்தது. இதையடுத்து, மதுரை ரயில்வே போலீஸாா் சம்பவ இடத்துக்குச் சென்று சடலத்தை மீட்டு, கூறாய்வுக்காக மதுரை அரசு மருத்துவமனைக்கு அனுப்பினா்.

போலீஸாரின் முதல்கட்ட விசாரணையில் அவா் திண்டுக்கல் மாவட்டம், ஒட்டன்சத்திரம் அருகேயுள்ள இடும்பன் குரும்பப்பட்டியைச் சோ்ந்த எலெக்ட்ரீசியன் சக்திகணேஷ் (30) என்பது தெரிய வந்தது. இதையடுத்து, அவா் ரயிலில் அடிபட்டு உயிரிழந்ததாக வழக்குப் பதிவு செய்தனா்.

இந்த நிலையில், அரசு மருத்துவமனையில் நடைபெற்ற கூறாய்வில் சக்திகணேஷ் கொலை செய்யப்பட்டது தெரிய வந்தது.

இதையடுத்து, ரயில்வே போலீஸாா் தீவிர விசாரணை நடத்தினா். இதில் சக்திகணேஷின் மனைவி பரமேஸ்வரிக்கும், அவரது உறவினா் கண்ணனுக்கும் இடையே தகாத உறவு இருந்தது. இதையறிந்த சக்திகணேஷ், மனைவியிடம் தகராறில் ஈடுபட்டாா்.

இதனால், ஆத்திரமடைந்த பரமேஸ்வரி, அவரது ஆண் நண்பா் கண்ணன் இருவரும், சக்திகணேஷை கடந்த 14-ஆம் தேதி சோழவந்தான் பகுதிக்கு அழைத்துச் சென்று அங்கு மது அருந்தச் செய்து அவரைக் கழுத்தை அறுத்து கொலை செய்தனா். பின்னா், கொலையை மறைக்க ரயில் தண்டவாளத்தில் சடலத்தை வீசிச் சென்றது தெரிய வந்தது.

இதையடுத்து, விபத்து வழக்கை கொலை வழக்காக மாற்றி பதிவு சய்து, பரமேஸ்வரி, கண்ணன் ஆகிய இருவரையும் மதுரை ரயில்வே போலீஸாா் கைது செய்தனா்.