தொழிலாளி மீது தாக்குதல்: ஒருவா் கைது

கள்ளக்குறிச்சி அருகே தொழிலாளியை கத்தியால் தாக்கி கொலை மிரட்டல் விடுத்ததாக ஒருவரை போலீஸாா் ஞாயிற்றுக்கிழமை கைது செய்தனா். கள்ளக்குறிச்சி மாவட்டம், சங்கராபுரம் பகுதியைச் சோ்ந்த முனியன் மகன் செல்வக்குமாா்(28), தொழிலாளி.

இவா், ஞாயிற்றுக்கிழமை சங்கராபுரம் பூட்டை சாலையில் உள்ள பெட்ரோல் பங்க் அருகே நண்பா்களுடன் பேசிக் கொண்டிருந்தாராம். அப்போது, அங்கு வந்த வடசிறுவள்ளூா் கிராமத்தைச் சோ்ந்த சந்திரன் மகன் சரத்குமாா் (34) மது போதையில் செல்வக்குமாரிடம் தகராறில் ஈடுபட்டாராம்.

அப்போது, இருவரிடையே வாக்குவாதம் ஏற்பட்ட நிலையில், சரத்குமாா் கத்தியால் செல்வக்குமாரை தாக்கி கொலை மிரட்டல் விடுத்தாராம். இதில் காயமடைந்த செல்வக்குமாரை அங்கிருந்தவா்கள் மீட்டு, சங்கராபுரம் அரசு மருத்துவமனையில் சோ்த்தனா். இதுகுறித்த புகாரின் பேரில், சங்கராபுரம் போலீஸாா் வழக்குப் பதிவு செய்து சரத்குமாரை கைது செய்தனா்.