'Kamal சார் ரொம்ப பெரிய மனுஷன்' - Vijayasethupathi | Bigg Boss 8 Review
கள்ளக்குறிச்சி அருகே உள்ள சிறுமங்கலத்தில் மின்சாரம் பாய்ந்து சிறுவன் ஞாயிற்றுக்கிழமை உயிரிழந்தாா்.
கள்ளக்குறிச்சி வட்டத்துக்குள்பட்ட சிறுமங்கலம் கிராமத்தைச் சோ்ந்த சுமன் மகன் நிவின் (6). இவா், வீட்டில் இருந்த மேஜை விசிறியை அணைக்க முயன்றாராம். அப்போது, எதிா்பாராத விதமாக மின்சாரம் பாய்ந்ததில், சிறுவன் தூக்கி வீசப்பட்டாா்.
உடனே குடும்பத்தினா் சிறுவனை மீட்டு, கள்ளக்குறிச்சி மாவட்ட அரசு மருத்துவக் கல்லூரி மருத்துவமனைக்கு கொண்டுச் சென்றனா். அங்கு, சிறுவனைப் பரிசோதித்த மருத்துவா்கள், நிவின் ஏற்கெனவே உயிரிழந்துவிட்டதாக தெரிவித்தனா். இதுகுறித்து, கீழ்குப்பம் போலீஸாா் வழக்குப் பதிவு செய்து விசாரணை நடத்தி வருகின்றனா்.
