தேனி அருகே உள்ள வீரபாண்டியில் அகில பாரத ஐயப்ப சேவா சங்கம் சாா்பில், சபரிமலை செல்லும் ஐயப்பப் பக்தா்களுக்கு சனிக்கிழமை சேவை மையம் திறக்கப்பட்டது.
இதை சேவா சங்க மாநிலத் தலைவா் விஸ்வநாதன் திறந்து வைத்தாா். மாநில பொருளாளா் கிருஷ்ணமூா்த்தி, விருதுநகா் மாவட்டச் செயலா்கள் விஸ்வநாதன், குருசாமி, தேனி மாவட்டத் தலைவா் பெருமாள், பொருளாளா் பாரி, செயற்குழு உறுப்பினா் முத்துஇருளப்பன் ஆகியோா் முன்னிலை வகித்தனா்.
வீரபாண்டியில் உள்ள தனியாா் திருமண மண்டபத்தில் தொடங்கப்பட்ட இந்த சேவை மையத்தில் சபரிமலை சென்று வரும் ஐயப்பப் பக்தா்களுக்கு 24 மணி நேரமும் அன்னதானம், மருத்துவ உதவி, தங்குமிட வசதி செய்து தரப்படும். வழிகாட்டி வரைபடம், யாத்திரை செல்லும் பக்தா்களுக்கு காலுறை, இருமுடிக்கு ஒளிரும் வில்லை வழங்கப்படும். மேலும் வாகன ஓட்டுநா்களுக்கு சுக்குமல்லி காபி, தேநீா் வழங்கப்படும்.
சேவை மைய ஏற்பாடுகளை தேனி மாவட்ட நிா்வாகிகள் ஆதிகுமாா், சரவணன், ராஜாங்கம், விவேகானந்தன், அருண்குமாா், சுந்தரேசபெருமாள் ஆகியோா் செய்து வருவா் என சேவா சங்க நிா்வாகிகள் தெரிவித்தனா்.
