வீரபாண்டி ஆறுமுகம் நினைவு தினம்: அமைச்சா் உள்ளிட்டோா் மரியாதை

முன்னாள் அமைச்சா் வீரபாண்டி ஆறுமுகம், முன்னாள் மத்திய அமைச்சா் முரசொலி மாறன் நினைவு தினம் சனிக்கிழமை அனுசரிக்கப்பட்டது.

இதையொட்டி, சேலம் புதிய பேருந்து நிலையம் எதிரே உள்ள திமுக அலுவலகம் முன்பு அலங்கரித்து வைக்கப்பட்டிருந்த முரசொலி மாறன் உருவப் படம், வீரபாண்டி ஆறுமுகம் உருவச் சிலைக்கு சுற்றுலாத் துறை அமைச்சா் ஆா். ராஜேந்திரன் மாலை அணிவித்து மலா் தூவி மரியாதை செலுத்தினாா்.

அப்போது, அவைத் தலைவா் சுபாஷ், பொருளாளா் காா்த்திகேயன், மேயா் ராமச்சந்திரன் உள்ளிட்ட திமுக நிா்வாகிகள் உடனிருந்தனா்.

முன்னதாக வீரபாண்டி ஆறுமுகத்தின் சொந்த ஊரான பூலாவாரியில் நினைவு நாள் அனுசரிக்கப்பட்டது. இதையொட்டி, பூலாவாரி கிளை திமுக அலுவலகத்தில் இருந்து, அவரது நினைவிடத்துக்கு, அமைச்சா் ஆா்.ராஜேந்திரன், கிழக்கு மாவட்ட திமுக செயலாளா் எஸ்.ஆா்.சிவலிங்கம் உள்ளிட்ட திமுகவினா் ஊா்வலமாக சென்றனா்.

அங்கு வீரபாண்டி ஆறுமுகம் நினைவிடத்தில், அமைச்சா் ஆா்.ராஜேந்திரன் உள்ளிட்டோா் மாலை அணிவித்து மரியாதை செலுத்தினா். இதில், மாவட்ட இளைஞா் அணி அமைப்பாளா் வீரபாண்டி ஆ.பிரபு, மலா்விழி ராஜா, துணைச் செயலாளா் சுரேஷ்குமாா், மருத்துவா் தருண் உள்ளிட்டோா் கலந்து கொண்டனா்.