``112 நாடுகளில் ஆய்வு; இந்தியாவில் வறுமையில் வாடும் மக்களின் எண்ணிக்கை அதிகம்..'' -ஐ.நா அறிக்கை

ஐக்கிய நாடுகள் சபையின் வளர்ச்சி திட்டம் மற்றும் ஆக்ஸ்போர்டு வறுமை மற்றும் மனித மேம்பாட்டு முன்முயற்சி (OPHI) இணைந்து ஒரு ஆய்வறிக்கை ஒன்றை வெளியிட்டன. அதில், உளகளவில் 112 நாடுகளில் சுமார் 100 கோடிக்கும் அதிகமான மக்கள் கடுமையான வறுமையில் வாடுவதாக அந்த அறிக்கையில் குறிப்பிடப்பட்டிருக்கிறது.

இது தொடர்பாக வெளியான அந்த ஆய்வறிக்கையில், ``உலகளவில் வாழும் சுமார் 600 கோடி மக்கள் தொகையில், 100 கோடி மக்கள் வறுமையை எதிர்கொள்கின்றனர். மேலும், இவர்கள் சார்ந்த குடும்பம் சுகாதாரம், கல்வி, வாழ்க்கைத் தரம் ஆகியவை உள்ளிட்ட10 குறியீடுகளில் ஏதேனும் ஒன்றில் கடுமையாக பாதிக்கப்பட்டிருக்கிறது.

உலகளவில் 58.6 கோடி, அதாவது, 27.9 சதவீத குழந்தைகள் வறுமையில் வாழ்கின்றனர். பெரியவர்களை விட 18 வயதிற்குட்பட்ட குழந்தைகள் அதிக எண்ணிக்கையில் வறுமையில் சிக்கியிருப்பது அதிர்ச்சியளிக்கிறது. நாடுகளுக்கு இடையேயான போர் உள்ளிட்ட பதற்ற சூழ்நிலைகளால் பாதிக்கப்பட்ட நாடுகளின் வறுமை விகிதம் இருமடங்காக அதிகரித்து, 34.8 சதவிகிதமாகவும், போர் மோதல்களால் பாதிக்கப்படாத நாடுகளில் 10.9 சதவிகிதமும் வறுமை அதிகரித்திருக்கிறது. மேலும் கடந்த சில ஆண்டுகளாக நாடுகளுக்கிடையான மோதல் போக்கு தீவிரமடைந்து, உயிரிழப்புகளில் புதிய உச்சத்தை எட்டியுள்ளது.

மில்லியன் கணக்கான மக்கள் வாழ்வாதாரத்திற்காக இடம்பெயர்ந்து, வாழ்வதற்காக சூழலுக்குகாக ஏங்கும் நிலை ஏற்பட்டிருக்கிறது. உலக அளவில் போரினால் பாதிப்படைந்த  நாடுகளில் 40 சதவிகித மக்கள் வறுமைக் கோட்டிற்கு கீழே வாழ்கின்றனர். இவர்களில், 218 மில்லியன் மக்கள் போர் நடைபெறும் நாடுகளிலும், 335 மில்லியன் மக்கள் மோதல்களால் பாதிக்கப்பட்டவர்களாகவும், 375 மில்லியன் மக்கள் அமைதியற்ற சூழலிலும் வாழ்கின்றனர்.

83 சதவிதத்துக்கும் அதிகமான வறுமையில் வாழும் மக்கள் கிராமப்புறங்களில் தான் வாழ்கின்றனர்.  நகர்ப்புறங்களை காட்டிலும் கிராமங்களின் வறுமை விகிதம் 28 சதவிகிதம் அதிகமாக உள்ளது. 1.1 பில்லியன் நபர்களில் கணிசமானோருக்கு அத்தியாவசிய தேவைகள் கிடைக்கவில்லை. 828 மில்லியன் மக்களுக்கு போதுமான சுகாதாரம் இல்லை. 886 மில்லியன் மக்களுக்கு சரியான வீடுகள் இல்லை, 998 மில்லியன் மக்களுக்கு சமையல் எரிபொருளுக்கான அணுகல் இல்லை, 637 மில்லியன் மக்களில் பாதிக்கும் மேல், ஊட்டச்சத்து குறைபாடுடன் வாழ்கிறார்கள். இந்தியாவில் 23.4 கோடி மக்கள் கடுமையான வறுமையில் வாழ்கின்றனர். உலகளவில் அதிக வறுமையான மக்கள் வாழும் இடமாக இந்தியா முதலிடத்தில் இருக்கிறது." எனக் குறிப்பிடப்பட்டிருக்கிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb