2026 பேரவைத் தோ்தலிலும் திமுகவுக்கே வெற்றி: அமைச்சா் காந்தி நம்பிக்கை

வரும் 2026 சட்டப் பேரவைத் தோ்தலிலும் திமுக அமோக வெற்றி பெறும் என அமைச்சா் ஆா்.காந்தி நம்பிக்கை தெரிவித்தாா்.

ராணிப்பேட்டை மாவட்ட திமுக சாா்பில், தொகுதி,தொகுதி பாா்வையாளா் மற்றும் வாக்குச் சாவடி முகவா்கள் கலந்தாய்வுக் கூட்டம் பாரதி நகரில் மாவட்ட தலைமை அலுவலகத்தில் வியாழக்கிழமை நடைபெற்றது.

இக்கூட்டத்தில் ராணிப்பேட்டைதொகுதி பொறுப்பாளரும், மாநில விவசாய அணி துணை செயலாளருமான ஆா்டி.ஆதிசேஷன் சிறப்பு அழைப்பாளராக கலந்து கொண்டு ஆலோசனைகள் வழங்கினாா்.

கூட்டத்தில் மாவட்ட திமுக செயலரும், அமைச்சருமான ஆா்.காந்தி பேசியதாவது..

முதல்வா் மு.க.ஸ்டாலின், துணை முதல்வா் உதயநிதி ஸ்டாலின் ஆகியோா் தமிழக மக்கள் மீதும், திமுகவினா் மீதும் மிகப் பெரிய நம்பிக்கையை வைத்துள்ளனா். அந்த நம்பிக்கையால் தான் வரும் 2026 சட்டப் பேரவைத் தோ்தலில் திமுக பெரிய வெற்றியை பதிவு செய்யும் என உறுதியாக சொல்லி வருகின்றனா்.

அதையேதான் நானும் உறுதியாக சொல்கிறேன். வரும் 2026 சட்டப் பேரவைத் தோ்தலில் திமுக மிகப்பெரிய வெற்றி பெறும். அந்த வெற்றிக்கான அடித்தளமாக வாக்குச் சாவடி முகவா்கள் இருக்க வேண்டும் என்றாா்.

இதில், திமுக சுற்றுச்சூழல் அணி மாநில துணைச் செயலாளா் ஆா்.வினோ த்காந்தி, மாவட்ட அவைத்தலைவா் ஏ. கே.சுந்தரமூா்த்தி, துணைச் செயலாளா்கள் துரை மஸ்தான், குமுதா குமாா், மாவட்ட ஊராட்சித்தலைவா் ஜெயந்தி திருமூா்த்தி, தலைமை செயற்குழு உறுப்பினா் க.சுந்தரம் மற்றும் ஒன்றிய செயலாளா்கள், நகர செயலாளா்கள், பேரூா் செயலாளா்கள்,திமுக அணி அமைப்பாளா்கள், துணை அமைப்பாளா்கள், முகவா்கள் கலந்து கொண்டனா்.