2026 சட்டப்பேரவை தோ்தலில் ஈரோடு கிழக்கு தொகுதியை மீண்டும் காங்கிரஸ் கட்சிக்கு ஒதுக்க வேண்டும் என ஈரோடு மாநகா் மாவட்ட காங்கிரஸ் தலைவா் டி.திருச்செல்வம் தெரிவித்தாா்.
சுதந்திரப் போராட்ட வீரா் கொடிகாத்த குமரன் மற்றும் முன்னாள் பிரதமா் லால் பகதூா் சாஸ்திரி ஆகியோரின் நினைவு தினம் ஈரோடு மூலப்பட்டறையில் உள்ள காங்கிரஸ் அலுவலகத்தில் சனிக்கிழமை அனுசரிக்கப்பட்டது.
அதன்பின்னா், மாநகா் மாவட்ட காங்கிரஸ் தலைவா் டி.திருச்செல்வம் செய்தியாளா்களிடம் கூறியதாவது:
ஈரோடு கிழக்கு தொகுதி இடைத்தோ்தலில் காங்கிரஸ் கட்சியின் சஞ்சய் சம்பத் உள்பட பலா் வாய்ப்பு கேட்டனா். வாய்ப்பு கேட்பது எங்களின் உரிமை. தற்போது திமுக வேட்பாளா் சந்திரகுமாரை வெற்றி பெற வைப்பதும் எங்களின் கடமை.
திமுக வேட்பாளா் சந்திரகுமாா் போட்டியிடுவது ராகுல்காந்தி, ஈவிகேஎஸ் இளங்கோவனே போட்டியிடுவதாக நினைத்து கடந்த முறை வெற்றி பெற்றதை விட அதிக வாக்குகள் வித்தியாசத்தில் வெற்றிபெற வைப்போம்.
கட்சியைவிட நாடு முக்கியம் என்பதால் அதற்காக சிலவற்றில் விட்டுக்கொடுத்து செல்ல வேண்டி உள்ளது. 2026-இல் மீண்டும் காங்கிரஸ் கட்சிக்கு ஈரோடு கிழக்கு தொகுதியை ஒதுக்கவேண்டும் என கேட்போம் என்றாா்.
தொண்டா்கள் போராட்டம்: ஈரோடு கிழக்கு தொகுதியை திமுகவுக்கு ஒதுக்கியதால் தங்களது வருத்தத்தை வெளிப்படுத்தும் விதமாக, ஈரோடு கட்சி அலுவலகம் அருகே தொண்டா்கள் சிலா் கட்சி தலைமையின் முடிவுக்கு எதிா்ப்பு தெரிவித்து சிறிதுநேரம் முழக்கமிட்டு கலைந்து சென்றனா்.
