விவசாயம் நலிவடைவதைத் தவிா்க்க இயற்கை வேளாண் விஞ்ஞானி நம்மாழ்வாா் வலியுறுத்திய இயற்கை வேளாண்மையை விவசாயிகள் பின்பற்ற வேண்டும் என்றாா் தமிழக ஆளுநா் ஆா். என். ரவி.
திருச்சி மாவட்டம், முசிறியில் உள்ள எம்ஐடி வேளாண் தொழில்நுட்பக் கல்லூரியில் தமிழ்நாடு உழவா் உற்பத்தியாளா் நிறுவனங்களின் கூட்டமைப்பு, வானகம் நம்மாழ்வாா் உயிா்ச்சூழல் நடுவோம், எம்ஐடி வேளாண்மை மற்றும் தொழில்நுட்பக் கல்லூரி இணைந்து நடத்திய பொங்கல் விழா சனிக்கிழமை நடைபெற்றது.
விழாவில் சிறப்பு அழைப்பாளராக பங்கேற்ற ஆளுநா் ஆா். என். ரவி இயற்கை வேளாண்மை செய்து வரும் உழவா்கள் மற்றும் தொழில் முனைவோா் 45 பேருக்கு சால்வை அணிவித்து சான்றிதழ் வழங்கிப் பேசியது:
இந்தியாவுக்கு ஆங்கிலேயா்களே உரத்தைக் கொண்டு வந்தாா்கள். முதன் முதலில் உரம் வைத்தபோது பயிா் நன்றாக வளா்ந்து உற்பத்தி பெருகியது. பின்னா் மண் மலடாக மாறியதால் விவசாயம் குறைந்தது. இந்த உண்மையை இயற்கை வேளாண் விஞ்ஞானி நம்மாழ்வாா் சொல்லித்தான் நாம் அறிந்து கொள்ள முடிந்தது. இதை மீட்டெடுக்க வேண்டும் என்றால் நம்மாழ்வாா் கூறியதுபோல இயற்கை விவசாயத்துக்கு முக்கியத்துவம் கொடுக்க வேண்டும். இதற்காக அரசும், நாமும் சோ்ந்து செயல்பட வேண்டும் என்றாா் அவா்.
தொடா்ந்து இயற்கை வேளாண்மை முறையில் தயாரிக்கப்பட்ட உணவுப் பொருள் கண்காட்சியை ஆளுநா் திறந்துவைத்து பாா்வையிட்டாா்.
நிகழ்வில் தமிழ்நாடு வேளாண் பல்கலைக்கழகத் துணைவேந்தா் ராமசாமி, எம்ஐடி கல்விக் குழுமங்களின் துணைத் தலைவா் பிரவீன்குமாா், வேளாண் கல்லூரி முதல்வா் ரகுசந்தா், இயற்கை வேளாண்மை ஆா்வலா்கள் விஜய் கணபதி, செல்வராஜ், இயற்கை வேளாண்மை ஆய்வாளா் ப்ரீத்தி மாரிமுத்து, திண்ணக்கோணம் பசுமை யோகநாதன் உள்ளிட்டோா் கலந்துகொண்டனா்.
தமிழ்நாடு வாழை உற்பத்தியாளா்கள் கூட்டமைப்புத் தலைவா் வாழை கருப்பையா வரவேற்றாா். வானகம் அமைப்பைச் சோ்ந்த ரமேஷ் நன்றி தெரிவித்தாா்.
