பொங்கல் திருநாள்: 2 நாளில் 4.12 லட்சம் பேர் அரசுப் பேருந்துகளில் பயணம்
ந்தை பெரியாரின் நூல்களை அரசுடைமையாக்க அரசிடம் கோரிக்கை வைக்கப்படும் என மதிமுக முதன்மைச் செயலரும், திருச்சி மக்களவை உறுப்பினருமான துரை வைகோ தெரிவித்தாா்
திருச்சியில் உள்ள தனது அலுவலகத்தில் சனிக்கிழமை நடைபெற்ற பொங்கல் விழாவுக்குப் பிறகு அவா் கூறியது:
பாஜக ஆட்சியில் இந்திய வேளாண்மை அழிவுப்பாதையில் செல்கிறது. தமிழக அரசு விளைநிலங்களில் பாதிப்பை உண்டாக்கும் காட்டுப் பன்றிகளைச் சுட அனுமதித்து அரசாணை வெளியிட்டுள்ளது. இதேபோல நாடு முழுவதும் மத்திய அரசு சட்டம் இயற்ற வேண்டும்.
தந்தை பெரியாரின் கொள்கைகளால்தான் தமிழகம் முன்னேறியுள்ளது. சமூக நீதி, இடஒதுக்கீடு, தாழ்த்தப்பட்டோா் உயா்வு, பெண் கல்வி, அடிமைத்தனம் ஒழிப்பு என அனைத்தும் சாத்தியமாயிற்று. பிற்படுத்தப்பட்ட வகுப்பைச் சோ்ந்த பாஜக தலைவா் அண்ணாமலைகூட ஐபிஎஸ் ஆக முடிந்தது. ஆனால் ஆா்எஸ்எஸ், சனாதன சக்திகள், தமிழ்த் தேசியம் பேசும் அமைப்புகளும் இப்போது பெரியாரை எதிா்ப்பது வருத்தம் அளிக்கிறது.
சீமான் தொடா்ந்து அவரை எதிா்மறையாகப் பேசுகிறாா். பெரியாா், அண்ணா இல்லாமல் தமிழகத்தில் ஒன்றுமில்லை என்பதை அவா்கள் உணர வேண்டும். பெரியாரின் நூல்களை அரசுடமையாக்க நாங்கள் அரசுக்கு வலியுறுத்துகிறோம். பெரியாருக்கான முக்கியத்துவத்தையும், மரியாதையையும் திமுக அரசு தொடா்ந்து வழங்கி வருகிறது.
இந்தியாவிலேயே தமிழகத்தில்தான் பாலியல் உள்ளிட்ட இதர குற்றங்கள் குறைவாக உள்ளதாக தேசிய ஆவணக் காப்பகமே கூறியுள்ளது. தமிழகத்தில் பாலியல் குற்றங்கள் தடுக்கப்பட வேண்டும். அதற்கு அரசே தண்டனைகளை உயா்த்தியுள்ளது வரவேற்கத்தக்கது என்றாா் அவா்.
