25 நாள்களாகியும் நெல் வயல்களில் வடியாத வெள்ளம்: அறுவடை செய்ய முடியாமல் விவசாயிகள் தவிப்பு

செஞ்சி பகுதியில் ஃபென்ஜால் புயல் மழையால் நெல் வயல்களில் தேங்கிய மழை வெள்ளம் 25 நாள்களுக்கு மேலாகியும் வடியாமல் உள்ளதால், நெல்கதிா்களை அறுவடை செய்ய முடியாமல் விவசாயிகள் தவிப்புக்குள்ளாகியுள்ளனா்.

ஃபென்ஜால் புயலால் செஞ்சி பகுதியில் வரலாறு காணாத மழை பெய்தது. இதனால், ஆறுகளில் வெள்ளப்பெருக்கு ஏற்பட்ட நிலையில், ஏரிகள், குளங்கள் முழுமையாக நிரம்பி தண்ணீா் பெருக்கெடுத்துச் சென்றது.

வெள்ள நீா் அறுவடைக்கு தயாா் நிலையில் இருந்த ஆயிரக்கணக்கான ஏக்கரிலான நெல், மணிலா, கரும்பு வயல்களில் தேங்கி பலத்த சேதத்தை ஏற்படுத்தியது.

குறிப்பாக, செஞ்சி வட்டத்துக்குள்பட்ட மேல்களவாய், நெகனூா், பெரியமூா், சின்னபொன்னம்பூண்டி, புதூா், பாடிப்பள்ளம், தின்னலூா், சென்னாலூா், தேவதானம்பேட்டை மற்றும் மேல்மலையனூா் வட்டத்துக்குள்பட்ட அவலூா்பேட்டை, தாயனூா், மேல்மலையனூா், வளத்தி, கெங்கபுரம், அன்னமங்கலம், செவலபுரை உள்ளிட்ட 100-க்கும் மேற்பட்ட கிராமங்களில் அறுவடைக்குத் தயாா் நிலையில் இருந்த நெல் பயிா்கள் நீரில் மூழ்கி சேதமடைந்தன.

நீா் வடிந்ததும் நெல் பயிா்களை அறுவடை செய்யலாம் எனக் காத்திருந்த விவசாயிகளுக்கு தற்போது ஏமாற்றமே மிஞ்சியுள்ளது. நிலத்தடி நீா் மட்டம் தரைமட்ட அளவுக்கு உள்ளதால், நீா் வடியாமல் 25 நாள்களாகியும் வெள்ள நீா் அப்படியே விவசாய நிலங்களில் தேங்கி நிற்கிறது.

இதனால், அறுவடை செய்ய முடியாத நிலை உள்ளதால், நெல் பயிா்கள் நிலத்தில் உள்ள நீரில் சாய்ந்து, நெல் மணிகள் முளைத்து வருகின்றன.

சில விவசாயிகள் அறுவடை இயந்திரம் மூலம் நெல் பயிா்களை அறுவடை செய்து வருகின்றனா். நெல் பயிா்கள் கடுமையாகப் பாதிக்கப்பட்டிருப்பதால், அறுவடை செய்தும் பயனில்லை என்றும், ஏக்கருக்கு ரூ.25 ஆயிரம் வரை செலவு செய்த பயிா்கள் அனைத்தும் வீணாகியுள்ளதாகவும் விவசாயிகள் கவலையுடன் தெரிவிக்கின்றனா்.

தமிழக அரசு இழப்பீடு வழங்குவதாக அறிவித்துள்ளது. ஆனால், முழுமையாக அல்லாமல் குறிப்பிட்ட அளவே அரசு இழப்பீடு வழங்கும் என்றும், அந்தத் தொகையும்கூட இதுவரை வழங்கப்படவில்லை எனவும் விவசாயிகள் கூறினா்.

எனவே, வேளாண் துறை மூலம் பாதிக்கப்பட்ட நெல் பயிா்களை முறையாக கணக்கிட்டு, முழுமையான இழப்பீடு வழங்க அரசு நடவடிக்கை எடுக்க வேண்டும் என்பதே விவசாயிகளின் கோரிக்கையாக உள்ளது.