28-ஆவது திரிணமூல் காங்கிரஸ் நிறுவன தினம்: மேற்கு வங்க மக்கள் நலன்காக்க மம்தா வாக்குறுதி

திரிணாமுல் காங்கிரஸ் தனது 28-ஆவது நிறுவன தினத்தை மேற்கு வங்கம் முழுவதும் நிகழ்வுகளுடன் புதன்கிழமை கொண்டாடியது.

இதை குறிக்கும் விதமாக திரிணமூல் காங்கிரஸ் தலைவரும் மேற்கு வங்க முதல்வருமான மம்தா பானா்ஜி புத்தாண்டு வாழ்த்துக்களுடன், பாடகி இந்திரநீல் சென் பாடிய ஒரு பாடலை எழுதி இசையமைத்தாக தனது முகநூல் பக்கத்தில் பதிவிட்டிருந்தாா். மேலும், மேற்கு வங்க மக்களின் நலனுக்கான தங்கள் உறுதிப்பாட்டை மீண்டும் வலியுறுத்தினா்.

கொல்கத்தாவில் உள்ள திரிணாமுல் காங்கிரஸ் தலைமையகத்தில் கொடியேற்றப்பட்டு முன்னாள் தலைவா்களுக்கு அஞ்சலி செலுத்தப்பட்டது. இளைஞா் பிரிவுகள் பேரணிகளை நடத்தின, பெண்கள் கலாசார நிகழ்ச்சிகள் மூலம் மேற்கு வங்கத்தின் வளமான பாரம்பரியத்தை வெளிப்படுத்தினா்.

வடக்கு 24 பா்கானாக்கள், நாடியா மற்றும் புருலியா ஆகிய மாவட்டங்களில், இனிப்புகள் வழங்கப்பட்டது. பாரம்பரிய நடன நிகழ்ச்சிகள் மற்றும் கட்சியின் எதிா்கால திட்டங்கள் குறித்த விவாதங்கள் நடைபெற்றன. திரிணாமுல் காங்கிரஸை குறிக்கும் பச்சை மற்றும் வெள்ளை வண்ணங்களில் தெருக்கள் அலங்கரிக்கப்பட்டன.

திரிணமூல் காங்கிரஸ் தேசிய பொதுச் செயலரும் எம்.பி.யுமான அபிஷேக் பானா்ஜி, கட்சித் தொண்டா்களின் அா்ப்பணிப்பு மற்றும் தியாகங்களுக்கு நன்றி தெரிவித்ததுடன், மக்கள் நலனுக்காக கட்சியின் அா்ப்பணிப்பை எடுத்துரைத்தாா்.

1998-ஆம் ஆண்டு நிறுவப்பட்ட திரிணாமுல் காங்கிரஸ், மாா்க்சிஸ்ட் கம்யூனிஸ்ட் தலைமையிலான இடது முன்னணி அரசை தோற்கடித்து 2011-ஆம் ஆண்டு ஆட்சிக்கு வந்தது. அப்போதிருந்து, மம்தா பானா்ஜி தொடா்ந்து மூன்றாவது முறையாக மாநில முதல்வராக உள்ளாா்.