”வகுப்பறை, சீருடை இல்லை.. உலகம்தான் பாடம்” - பள்ளிக்கு செல்லாமல் பயணம் செய்யும் ...
3BHK: "நாங்கள் இருவருமே அப்பள்ளியை விட்டு வெளியே வரவேயில்லை!" - சித்தார்த் குறித்து இயக்குநர் ராம்
Admin
- 3 hours ago
'எட்டுத் தோட்டாக்கள்' ஶ்ரீகணேஷ் இயக்கத்தில் சித்தார்த், சரத்குமார், தேவயானி, யோகி பாபு, மீத்தா ரகுநாத், சைத்ரா உள்ளிட்டோர் நடிப்பில் உருவாகியுள்ள திரைப்படம் '3BHK'.
சென்னை போன்றதொரு பெரு நகரில் சொந்த வீடு வாங்கப் போராடும் நடுத்தர குடும்பத்தின் வாழ்க்கைக் கதைதான் இந்தத் திரைப்படம். அம்ரித் ராம்நாத் இசையமைத்திருக்கிறார்.
இப்படம் வரும் ஜூலை 4ம் தேதி திரையரங்குகளில் வெளியாகவிருக்கிறது.
இப்படத்தின் ட்ரெய்லர் வெளியீட்டு விழா இன்று சென்னையில் நடைபெற்றது. இதில் பேசியிருக்கும் இயக்குநர் ராம், "எனக்கு, சித்தார்த், தயாரிப்பாளர் அருண் விஷ்வா மூன்று பேருக்கும் ஜூலை 4ம் தேதி முக்கியமான நாள். என்னுடைய 'பறந்து போ', ஶ்ரீ கணேஷ் இயக்கியிருக்கும் '3BHK' இரண்டு படமும் படம் ஜூலை 4ம் தேதி ஒரே நாளில் வெளியாகிறது.
சித்தார்த் ஒரு அடிமுட்டாள்
என்னுடைய 'தங்கமீன்கள்' படம் வெளியாகாமல் இருந்தபோது எனக்கு உதவிய தயாரிப்பாளர் அருண் விஷ்வா. உற்சாகமும், நம்பிக்கையும் தரக்கூடிய நல்ல பையன் அருண் விஷ்வா.
நடிகர் சித்தார்த் அதிபுத்திசாலி, மரியாதை இல்லாமல் நடந்துகொள்பவர், எதிராளியின் மனம் புண்படுமா என்று யோசிக்காமல் வெளிப்படையாகப் பேசக்கூடியவர், அகங்காரம் உள்ளவர் என்றெல்லாம் அவர் மீது ஒரு பிம்பம் இருக்கிறது.
ஆனால், சித்தார்த் ஒரு அடிமுட்டாள். எந்த அர்த்தத்தில் இதைச் சொல்கிறேன் என்றால், அவர் ஒரு வளர்ந்த குழந்தை. நானும் சித்தார்த்தும் ஒரே பள்ளியில் படித்தவர்கள்.
நாங்க இரண்டு பேருமே இன்னும் அந்த பள்ளியை விட்டு வெளியே வரவேயில்லை. இன்னும் குழந்தை மனதிலேயே இருப்பவர்.
எப்ப எதைச் செய்யணும்னு தெரியாது. பக்க விளைவுகள், பின்விளைவுகள் பற்றியெல்லாம் யோசிக்கிறதில்லை. மனதிற்குப் பிடிச்சத அதன்போக்கியேலே செய்பவர்.
காற்றில் இறகுபோல வாழ்பவன். இலகுவான மனம் கொண்டவன். அப்படி மனம் இருப்பதால்தான் அவன் இளமையாகவே இருக்கிறான் சித்தார்த்.
இப்படம் சொந்த வீட்டைப் பற்றிய உணர்வுப்பூர்வமான படம். சொந்த வீடு என்பது வெறும் மரியாதை மட்டுமல்ல. அது நம் பிள்ளைகளின் எதிர்காலம் எப்படி இருக்கும், அவர்கள் இந்த வீட்டில் எப்படி வாழப்போகிறார்கள் என்று பார்க்கும் ஒரு பெரும் உணர்வு" என்று பேசியிருக்கிறார் இயக்குநர் ராம்
சினிமா விகடனின் பிரத்யேக Whatsapp க்ரூப்
https://chat.whatsapp.com/JSk78H7siYK4aL2qO1RglR
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
