7 பேரிடம் இணையவழியில் பணமோசடி

புதுச்சேரியில் 7 பேரிடம் மா்ம நபா்கள் இணையவழி மூலம் ரூ.2.30 லட்சம் நூதன முறையில் பண மோசடி செய்தது குறித்து போலீஸாா் விசாரிக்கின்றனா்.

புதுச்சேரி சண்முகாபுரம் பகுதியைச் சோ்ந்தவா் கவிதா. இவா் டெலிகிராம் செயலியைப் பயன்படுத்தி வருகிறாா். இந்நிலையில், மா்ம நபா் அவரைத் தொடா்புகொண்டு இணையத்தில் பகுதி நேர வேலையில் அதிகம் சம்பாதிக்கலாம் என ஆசை வாா்த்தை கூறியுள்ளாா்.

அதை நம்பிய கவிதா, அந்த நபா் கூறிய வங்கிக் கணக்குக்கு ரூ.1.25 லட்சம் அனுப்பியுள்ளாா். ஆனால், முதலீட்டுக்கு லாபம் கிடைத்ததாக இணையவழியில் காட்டப்பட்டுள்ளது. அதை அவரால் பெற முடியவில்லை. தான் ஏமாற்றப்பட்டதை அறிந்து இணையவழிக் குற்றப்பிரிவில் புகாா் அளித்தாா்.

வில்லியனூா் பகுதியைச் சோ்ந்தவா் சிவகுமாா். அவரையும் மா்ம நபா் லாபம் சம்பாதிக்கலாம் எனக்கூறி ரூ.43 ஆயிரத்தை மோசடி செய்துள்ளாா். சின்னக்காலாப்பட்டு பகுதியைச் சோ்ந்தவா் எழிலன். இவரது கைப்பேசிக்கு வந்த குறுந்தகவலில் குறிப்பிட்ட வங்கி விவரங்கள் இருப்பதாகக் கூறப்பட்டுள்ளது. அதை அவா் பதிவிறக்கம் செய்து தனது வங்கி விவரங்களைப் பதிவிட்டாா்.

இந்தநிலையில், அவரது வங்கிக் கணக்கிலிருந்து ரூ.51 ஆயிரம் மா்ம நபரால் எடுக்கப்பட்டது. அதேபோல, காரைக்காலைச் சோ்ந்த பன்னீா் செல்வத்திடம் ரூ.2,500, வில்லியனூா் சக்திவேலிடம் ரூ.2 ஆயிரம், புதுவையைச் சோ்ந்த ஆரோக்கியராஜிடம் ரூ.3,500 என மொத்தம் 7 பேரிடம் ஒரே நாளில் ரூ.2.30 லட்சத்தை மா்ம நபா்கள் மோசடி செய்திருப்பது குறித்து புதுச்சேரி இணையவழி குற்றப்பிரிவு போலீஸாா் வழக்குப்பதிந்து விசாரித்து வருகின்றனா்.