Ashwin : 'இந்தி தேசிய மொழி அல்ல; அலுவல் மொழிதான்' - மாணவர்கள் மத்தியில் அஷ்வின் ...
தென்னாப்பிரிக்க கேப்டன் தெம்பா பவுமா 74 ஆண்டுகளுக்குப் பின் டெஸ்ட் கிரிக்கெட் வரலாற்றில் புதிய சாதனை படைப்பாரா என்ற எதிர்பார்ப்பு அதிகரித்துள்ளது.
பாகிஸ்தானுக்கு எதிரான டெஸ்ட் தொடரை 2-0 என்ற கணக்கில் வென்ற தென்னாப்பிரிக்க அணி முதல்முறையாக உலக டெஸ்ட் சாம்பியன்-ஷிப் இறுதிப்போட்டிக்குத் தகுதிபெற்றுள்ளது.
இந்திய அணி தகுதிபெறும் என்று எதிர்பார்க்கப்பட்ட நிலையில், ஆஸ்திரேலியாவுக்கு எதிரான பார்டர் - கவாஸ்கர் தொடரை 1-3 என்ற கணக்கில் இழந்ததால், ஆஸ்திரேலியா நேரடியாக இறுதிப்போட்டிக்குத் தகுதி பெற்றுள்ளது.
அணி வீரர்கள் காயம்: மாற்று வீரராக களமிறங்கிய உதவிப் பயிற்சியாளர்!
இதனால், ஜூன் மாதம் 11 ஆம் தேதி இங்கிலாந்தின் லார்ட்ஸ் மைதானத்தில் தொடங்கும் இறுதிப்போட்டியில் இவ்விரு அணிகளும் விளையாடவிருக்கின்றன.
தெம்பா பவுமா தலைமையிலான தென்னாப்பிரிக்க அணி கடைசியாக விளையாடிய 9 போட்டிகளில் 8-ல் வென்றும் ஒரு போட்டி சமனிலும் முடிந்ததால் தோல்வியின்றி வீறுநடை போட்டுக்கொண்டிருக்கிறது. மேற்கிந்திய தீவுகள் அணிக்கு எதிராக சமனில் முடிந்த போட்டி மழையால் முடிவுக்கு வந்தது.
தென்னாப்பிரிக்க லீக் டி20 தொடரில் இந்திய வீரர்களை பார்க்க விரும்பும் ஏபி டி வில்லியர்ஸ்!
புதிய வரலாறு படைப்பாரா தெம்பா பவுமா?
1921 ஆம் ஆண்டு இங்கிலாந்து அணியின் கேப்டன் பெர்சி சான்மேன் தொடர்ச்சியாக 9 போட்டிகளில் வென்றதே இதுவரை சாதனையாக தொடர்கிறது.
இந்தநிலையில், அவருக்கு அடுத்தபடியாக 1921 ஆம் ஆண்டில் ஆஸ்திரேலியாவின் வார்விக் ஆர்ஸ்ட்ராங் மற்றும் லிண்ட்சே ஹாசெட்(1951) ஆகியோர் 9 போட்டிகளில் 8-ல் வெற்றி பெற்றிருந்த சாதனையை பவுமா சமன் செய்துள்ளார்.
ஒருவேளை ஆஸ்திரேலியாவுக்கு எதிரான இறுதிப்போட்டியில் தென்னாப்பிரிக்கா வெற்றிபெற்று அதன்பின்னர், அடுத்த போட்டியிலும் வெற்றிபெறும் பட்சத்தில் அதிவேகமாக 10 போட்டிகளில் வென்ற கேப்டன் என்ற புதிய வரலாற்றையும் 74 ஆண்டுகளுக்குப் பின்னர் படைக்க முடியும்.
பவுமாவைத் தொடர்ந்து பிரையன் க்ளோஸ் (இங்கிலாந்து), சார்லஸ் ஃப்ரை (இங்கிலாந்து), அஜிங்க்யா ரஹானே (இந்தியா) ஆகியோரும் தோல்வியைச் சந்திக்காத கேப்டன்களாக உள்ளனர்.
