Aamir Khan: ``அமீர் கானுக்கு ரூ.2,000 கோடி; எங்களுக்கு ரூ.1 கோடி'' - நிஜ `தங்கல்' நாயகி சொல்வதென்ன?
உலக அளவில் அதிக வசூலைக் குவித்த இந்திய திரைப்படம் `தங்கல்'. அமீர் கான் தயாரிப்பு மற்றும் நடிப்பில், நிதேஷ் திவாரி இயக்கத்தில் 2016-ல் வெளிவந்த இந்தத் திரைப்படம் உலக அளவில் சுமார் ரூ. 2,000 கோடி வசூல் செய்தது. ஹரியானாவின் முன்னாள் மல்யுத்த மகாவீர் சிங் போகத், தனது மகள்கள் கீதா போகத், பபிதா போகத்தை மல்யுத்த வீராங்கனைகளாக உருவாக்கிய உண்மைக் கதையைப் பேசிய தங்கல் திரைப்படம், வசூல் மட்டுமல்லாது விமர்சன ரீதியாகவும் மக்களிடையே பெரும் வரவேற்பைப் பெற்றது. இந்தப் படத்தில், மகாவீர் சிங் போகத் கதாபாத்திரத்தில் அமீர் கான் நடித்திருந்தார்.
பபிதா போகத் 2012 உலக மல்யுத்த சாம்பியன்ஷிப்பில் வெண்கலப் பதக்கமும், காமன்வெல்த் போட்டியில் 2010-ல் வெள்ளிப் பதக்கமும், 2014-ல் தங்கப் பதக்கமும், 2018-ல் வெள்ளிப் பதக்கமும் வென்றிருக்கிறார். மேலும், காமன்வெல்த் சாம்பியன்ஷிப்பில் 2009 மற்றும் 2011-ல் தங்கப் பதக்கமும், 2013 ஆசிய மல்யுத்த சாம்பியன்ஷிப்பில் வெண்கலப் பதக்கமும் பபிதா போகத் வென்றிருக்கிறார். பின்னர், 2019-ல் மல்யுத்தத்திலிருந்து ஓய்வுபெற்று பபிதா போகத் பா.ஜ.க-வில் இணைந்தார்.
இந்த நிலையில், தங்கல் படம் ரூ. 2,000 கோடி வசூலித்தபோதும், தயாரிப்பாளர் தரப்பிலிருந்து தங்கள் குடும்பத்துக்கு எவ்வளவு கொடுக்கப்பட்டது என்ற விவரம் குறித்து பபிதா போகத் பேசியிருக்கிறார்.
தனியார் ஊடக நேர்காணல் ஒன்றில் கலந்துகொண்ட பபிதா போகத்திடம், ரூ. 2,000 கோடி வசூலித்த தங்கல் திரைப்படத்தின் தயாரிப்பாளர் தரப்பிலிருந்து எவ்வளவு கொடுக்கப்பட்டது என்று நெறியாளர் கேட்டார்.
அதற்கு, ``மொத்த வசூலில் ஒரு சதவிகிதம் கூட இல்லை. ஒரு கோடி ரூபாய் கொடுத்தார்கள்" என்று தெரிவித்த பபிதா போகத், ``நமக்கு மக்களின் அன்பும், மரியாதையை மட்டுமே வேண்டும். மற்ற அனைத்தையும் விட்டுவிடுங்கள் என்று என் தந்தை எங்களிடம் சொல்லியிருக்கிறார்" என்று தெரிவித்தார். இது தொடர்பான வீடியோ சமூக வலைதளங்களில் வேகமாகப் பரவிக்கொண்டிருக்கும் நிலையில், இந்த விவகாரம் தற்போது பாலிவுட் வட்டாரங்களில் பேசுபொருளாகியிருக்கிறது.
சினிமா விகடனின் பிரத்யேக Whatsapp க்ரூப்
https://chat.whatsapp.com/E0QlpeNbGHnF9W5rFKCVSU
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...
உங்கள் வாட்ஸ் அப் மூலமே இணைந்திருங்கள் சினிமா விகடனுடன்...
Seema Sajdeh: `என் கூட தங்குறீங்களா 7000 டாலர் தர்றேன்' வில்லங்க மெசேஜ் - அதிர்ந்த நடிகை
நெட்ஃப்ளிக்ஸின் பிரபல ரியாலிட்டி ஷோவான "Fabulous Lives of Bollywood Wives"-ன் மூன்றாவது சீசன் சமீபத்தில் வெளியாகி வரவேற்பைப் பெற்றிருக்கிறது.இதில் கலந்துகொண்ட ஃபேஷன் டிசைனர் சீமா சஜ்தே பாலிவுட் வட்டார... மேலும் பார்க்க
Aamir Khan: கிஷோர் குமாரின் சுயசரிதை படத்தில் நடிக்கிறாரா ஆமீர் கான்?
பாலிவுட் நடிகர் ஆமீர் கான் தற்போது சிதாரே ஜமீன் பர் படத்தில் நடித்து வருகிறார். இப்படத்தை முடித்துவிட்டு, அடுத்து 6 படங்கள் அவரது பரிசீலனையில் இருக்கின்றன. அதில் பாடகர் கிஷோர் குமாரின் வாழ்க்கை வரலாற்... மேலும் பார்க்க
"உங்கள் நிறுவனத்தில் முதலீடு செய்ய விருப்பம்" - திகார் சிறையிலிருந்து கரண் ஜோகருக்கு சுகேஷ் கடிதம்
பாலிவுட் தயாரிப்பாளரும், இயக்குநருமான கரண் ஜோகர் தனது படத் தயாரிப்பு நிறுவனமான தர்மா புரொடக்ஷன் நிறுவனத்தை விரிவுபடுத்தும் நோக்கில் வெளியிலிருந்து முதலீடு பெற முயற்சி செய்து கொண்டிருந்தார். அவரது நிறு... மேலும் பார்க்க
Salman Khan: "சல்மான் கானுக்கு கொலை மிரட்டல் விடுத்தது தவறு" - மன்னிப்பு கேட்டு மீண்டும் மெசேஜ்
பாலிவுட் நடிகர் சல்மான் கான் ஏற்கனவே டெல்லியைச் சேர்ந்த மாஃபியா கும்பல் தலைவன் லாரன்ஸ் பிஷ்னோய் கூட்டத்தினரால் தொடர்ந்து அச்சுறுத்தலுக்கு ஆளாகி வருகிறார். லாரன்ஸ் பிஷ்னோய் கூட்டத்தினர் சல்மான் கானை கொ... மேலும் பார்க்க
``100 கிலோவை தாண்டிய எடை.. மனஅழுத்தம் அதிகமானது'' - பிரசவ கால அனுபவம் பகிர்ந்த சமீரா ரெட்டி
நடிகை சமீரா ரெட்டி தமிழ், தெலுங்கு உள்பட ஏராளமான மொழிப்படங்களில் நடித்துள்ளார். அவர் தொழிலதிபர் அக்ஷய் வார்தே என்பவரை 2014ம் ஆண்டு திருமணம் செய்து கொண்ட பிறகு சொந்த வாழ்க்கையில் கடுமையான போராட்டங்களை... மேலும் பார்க்க
ரூ.250 கோடியில் கட்டப்பட்டுள்ள 6 மாடி பங்களா; விரைவில் குடியேறும் ரன்பீர் கபூர்-ஆலிபா பட் தம்பதி!
ரன்பீர் கபூர் மற்றும் ஆலியா பட் தம்பதி மும்பை பாந்த்ராவில் ரூ.250 கோடியில் 6 மாடி கொண்ட ஆடம்பர அடுக்குமாடி பங்களா கட்டி வந்தனர். இக்கட்டடத்தின் கட்டுமானப் பணியை கபூர் தம்பதி அடிக்கடி சென்று பார்த்து வ... மேலும் பார்க்க