BB Tamil 8 : `விஷால் - தர்ஷிகா லவ் ஸ்டோரி உண்மையா? ; PR டீம்னால தான் செளந்தர்யா!' - போட்டுடைத்த ரியா

பிக்பாஸ் வீட்டிற்குள் வைல்டு கார்டு போட்டியாளராக களம் இறங்கியவர் ரியா. அந்த வீட்டிற்குள் பல நாட்கள் கடினமான போட்டியாளராக இருப்பேன் என நினைத்தவர் வைல்டு கார்டு போட்டியாளர்களுள் முதல் நபராக பிக்பாஸ் வீட்டிலிருந்து வெளியேறினார். அவரை சந்தித்துப் பேசினோம்.

"நான் சில விஷயங்கள் அந்த வீட்டுக்குள்ள பண்ணியிருக்கேன்னு எனக்குத் தெரியுது. அப்படி இருக்கும்போது, `பலர் சும்மா இருந்தாங்களே...’ என்னை ஏன் அனுப்பினாங்கங்கிற கேள்வி எனக்குள்ள இருந்தது. நான் வெளியில வருவேன்னு நான் நினைக்கவே இல்ல. அந்த டைம் வர்ஷினி இல்லைன்னா ரஞ்சித் சார் தான் எவிக்ட் ஆவார்னு நினைச்சிருந்தேன். கொஞ்சமும் எதிர்பார்க்கல.

நான் அவ்ளோ பெரிய ரிவ்யூவர் கிடையாது. மாடலிங், ஆக்டிங் பண்ணிட்டிருந்தேன். நாம ஏன் ஒன்மினிட்ல ரிவ்யூ பண்ணக் கூடாதுன்னு தோணுச்சு... அதனால எனக்குத் தெரிஞ்சதை ரிவ்யூ பண்ணினேன். நான் ப்ராப்பர் ரிவ்யூவரெல்லாம் இல்ல.. அதை இந்த இடத்துல முதலில் தெளிவுபடுத்திக்க விரும்புறேன்” என்றவரிடம் விஷால் - தர்ஷிகா லவ் குறித்துக் கேட்டோம்.

``ராணவ் - பவித்ரா லவ்னு ஸ்கூல் டாஸ்க்ல பண்ணதெல்லாம் சும்மா. ஏன்னா பவித்ரா இது வேண்டாங்கிறதுல ரொம்ப கிளியர் ஆக இருந்தாங்க. அதனால அது ஒரிஜினல் கிடையாது. ஆனா, விஷால் - தர்ஷிகாவுக்கு இடையில் அப்படி இல்ல. ஸ்கூல் டாஸ்க் பண்ணும்போது அவங்க விளையாட்டா ஆரம்பிச்சாங்க. 2 1/2 நாள் அந்த டாஸ்க் போச்சு. ஒரே வீட்ல அவங்க லவ்வர் ஆக ஒரே மாதிரி இருந்தாங்க. அந்த டாஸ்க் முடிஞ்ச பிறகும் அவங்க ரெண்டு பேரும் தனியா பேசிட்டு அப்படியே தான் இருந்தாங்க. அவங்களுக்குள்ள இருக்கிற லவ் உண்மை தான். அது போகப் போக வெளிப்படையா தெரியும்!" என்றவர் தொடர்ந்து பேசினார்.

``செளந்தர்யாவுக்கு ஸ்ட்ராங் ஆன பிஆர் டீம் இருக்காங்க. வீட்டுக்குள்ள போறப்ப என்கிட்ட பலர் பிஆர் டீம் குறித்து சொன்னாங்க. நான் அதெல்லாம் கேட்கல. மக்களுக்குத் தெரிஞ்சா என்னை காப்பாத்தப் போறாங்கன்னு நினைச்சேன். ஆனா பிஆர் டீமோட முக்கியத்துவத்தை இப்ப உணர்றேன்!" என்றார்.

பிக்பாஸ் போட்டியாளர்கள் குறித்து இன்னும் பல விஷயங்களை ரியா வெளிப்படையாக நம்மிடையே பகிர்ந்து கொண்டார். அவற்றைக் காண லிங்கை கிளிக் செய்யவும்!