`நினைச்ச கனவு ஒண்ணு நிஜமா நடந்துருச்சு!' நண்பர்களுடன் சங்கீத் கொண்டாடிய வெற்றி வசந்த் - வைஷ்ணவி ஜோடி

`சிறகடிக்க ஆசை' தொடரின் மூலம் சின்னத்திரை ரசிகர்கள் மத்தியில் பிரபலமானவர் நடிகர் வெற்றி வசந்த். தற்போது விஜய் டிவியில் ஒளிபரப்பாகிக் கொண்டிருக்கும் `பொன்னி' தொடரின் மூலம் கதாநாயகியாக அறிமுகமாகி இருப்பவர் வைஷ்ணவி. இதுவரையில் கேரக்டர் ஆர்ட்டிஸ்ட் ஆக இருந்தவர் இந்தத் தொடரின் மூலம் நடிகையாக அறிமுகமாகியிருக்கிறார்.

திடீரென வெற்றி வசந்த் - வைஷ்ணவி திருமணம் செய்து கொள்ளப் போவது குறித்து அவர்களுடைய ரசிகர்களுக்கு அறிவித்திருந்தார்கள். தொடர்ந்து அவர்களுடைய திருமண நிச்சயதார்த்த நிகழ்வும் நடைபெற்றது. விரைவில் இவர்களது திருமணம் சென்னையில் நடைபெறவிருக்கிறது. இந்நிலையில் இவர்களுடைய சங்கீத் நேற்றிரவு நடைபெற்றிருக்கிறது.

`பொன்னி' தொடர் நடிகர்கள் உட்பட பலர் இந்த சங்கீத் நிகழ்ச்சியில் கலந்து கொண்டிருக்கின்றனர். ஆடல் பாடலுடன் வெற்றியும் வைஷ்ணவியும் அவர்களுடைய அடுத்தகட்ட பயணத்தை தொடர இருப்பதை கொண்டாடி மகிழ்ந்திருக்கிறார்கள். இந்த நிகழ்வில் அவர்கள் எடுத்துக் கொண்ட புகைப்படங்களும், வீடியோக்களும் சமூகவலைதளப் பக்கங்களில் வைரலாகப் பரவி வருகின்றன.

வாழ்க்கையின் அடுத்த அத்தியாயத்தை தொடங்கவிருக்கும் இவர்களுக்கு நண்பர்கள், உறவினர்கள் மற்றும் ரசிகர்கள் எனப் பலர் வாழ்த்துகள் கூறி வருகின்றனர்.

வாழ்த்துகள் வெற்றி - வைஷ்ணவி!

நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...

https://bit.ly/MadrasNallaMadras