BB Tamil 8: "தர்ஷிகா சாப்பிடலைன்னா விஷால்...!" - ஆனந்தியிடம் குமுறும் பவித்ரா

பிக் பாஸ் நிகழ்ச்சியின் 52 வது நாளுக்கான முதல் இரண்டு புரோமோக்கள் வெளியாகியிருக்கிறது.

முதல் புரோமோவில், இன்றைய தினம் பொம்மை டாஸ்க் கொடுக்கப்படுகிறது. போட்டியாளர்கள் மிக வேகமாக சென்று பொம்மைகளை எடுத்து பெட்டியில் வைக்கும் முயற்சியில் ஈடுபடுகிறார்கள். அப்போது விஷால் கையில் ஒரு பொம்மை இருக்கிறது, அதனை பிடுங்கி எப்படியாவது பெட்டியில் வைத்துவிட வேண்டும் என மற்ற ஆண் போட்டியாளர்கள் விஷாலை சுற்றி வளைக்கிறார்கள்.

அந்த சமயத்தில் விஷால், “என்னிடம் இருப்பது ஜாக்குலினின் பொம்மை தான்.. விடுங்கடா..” என கத்துகிறார். பின்னர் ஜாக்குலின் விஷாலிடம்,“ நீ இப்படி பண்ணாத..” என எச்சரிக்கும் படி பேசுகிறார்.

இவர்களின் பேச்சுவார்த்தை சாதாரணமாக ஆரம்பித்து சண்டையாக மாறி இருக்கிறது.

இரண்டாவது புரோமோவில், நான் எப்ப பேசணும், ஏதாவது பண்ணனும் என போனாலும் தர்ஷிகா கூட விஷால் இருக்கான். எனக்கு கம்ஃபர்டபிளா இருக்க மாட்டேங்குது. தர்ஷிகா சாப்பிடலைன்னா அருண் வந்து விஷால்கிட்ட, போ அவ சாப்பிடலயான்னு கேளுங்கனு சொல்றார். எதுக்கு இது, இதெல்லாம் தேவையே இல்லாதது என ஆர்.ஜே. ஆனந்தியிடம் புலம்பியிருக்கிறார் பவித்ரா.