Bigg Boss 8 : `பிக் பாஸ் வீட்டில் நான் நானாகதான் இருந்தேன்' - எவிக்‌ஷனுக்குப் பிறகு தர்ஷிகா

பிக் பாஸ் சீசன் 8, 70 நாட்களை கடந்து பரபரப்பாக ஒளிபரப்பாகிக் கொண்டிருக்கிறது.

கடந்த இரு வாரங்களாக எதிர்பாரத டிவிஸ்ட்டாக டபுள் எவிக்‌ஷனில் இரு இரு போட்டியாளர்கள் வெளியேறி இருந்தனர். போன வார டபுள் எவிக்‌ஷனில் ஆனந்தியும் சாச்சனாவும் வெளியேறி இருந்தனர். இந்த வார டபுள் எவிக்‌ஷனில் சத்யாவும் தர்ஷிகாவும் வெளியேறினர்.

பிக் பாஸ் வீட்டில் இருமுறை கேப்டனாக இருந்தவர் தர்ஷிகா. பிக் பாஸ் வீட்டிலிருந்து வெளியேறியது தொடர்பாக தனது சமூக வலைதளப் பக்கத்தில் தற்போது பதிவிட்டிருக்கிறார்.

பிக் பாஸ் தொடர்பாக பதிவிட்டுள்ள தர்ஷிகா, ``நீங்கள் என்மேல் காட்டிய அன்பை வார்த்தைகளால் விவரிக்க முடியாது. ஒரு புள்ளியில் உங்களை ஏமாற்றியதற்கு மன்னிப்பு கேட்டுக் கொள்கிறேன். ஆனால் அதே சமயம் மற்றொரு விஷயத்தையும் நான் தெளிவுப்படுத்த விரும்புகிறேன்.

பிக் பாஸ் வீட்டில் நான் நானாகதான் இருந்தேன். நான் எந்தவொரு நேரத்திலும் எனக்கு பொய்யாக இல்லை. என்னுடைய உணர்வுகளும் , கேம் ப்ளேவும் நேர்மையானது. `Call a spade is a spade' என்பதுதான் என்னுடைய கேம். " என பிக் பாஸ் பார்வையாளர்களுக்கு நன்றி தெரிவித்து பதிவிட்டிருக்கிறார்.

நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...

https://bit.ly/MaperumSabaithanil