Diwali: ``அதைப் பார்க்க ஸ்வர்ணலதா இல்லைன்னு வருத்தப்பட்டேன்!" - புஷ்பவனம் குப்புசாமி பேட்டி

பார்த்துட்டிருக்கேனே! அந்தப் பாடலும் இப்போ சமூக வலைதளப் பக்கங்கள்ல வைரலாகப் போயிட்டிருக்கு. அந்தப் பாடலுக்கு பின்னாடி ஒரு கதை இருக்கு. அதைச் சொல்றேன், கேளுங்க! அந்தப் பாடலுக்கான அழைப்பு வந்ததும் நான் ஜி.வி. பிரகாஷ் ஸ்டூடியோவுக்குப் போனேன். அங்க உள்ளே நுழையும்போது, என் அப்பாவுக்கு கீழே விழுந்து தலையில அடிப்பட்டிருச்சுன்னு எனக்குச் சொன்னாங்க. எனக்கு அந்த நேரத்திலிருந்து நினைப்பு முழுவதும் எங்க அப்பாவின் உடல்நிலை மீதுதான் இருந்தது. உள்ளே போனதும், பெரியளவுல இசை நுணுக்கங்கள் இல்லாமல் பாடணும்னு ஜி.வி சொன்னாரு. ஆனா, என்னுடைய மனநிலை சோகமாக இருந்ததுனால, பாடலையும் நான் சோகமாகவே தொடர்ந்து பாடிட்டு இருந்தேன். பிறகு என்னுடைய தந்தைக்கு இப்படி ஆகிடுச்சுன்னு சொல்லிட்டு நான் அங்கிருந்து கிளம்பிட்டேன். அப்பாவைப் பரிசோதித்த மருத்துவர்களும் `அப்பாவுக்கு ஒண்ணுமில்ல'னு சொல்லிட்டாங்க. அதற்கடுத்த நாள் தனுஷ் சாரே ரெக்கார்டிங் வந்துட்டாரு. அவர் சொன்னபடி நான் பாடினது அவருக்கும் மிகவும் திருப்தியா இருந்தது. முடிச்சதும், உங்க அப்பாவுக்கு விபத்து நடந்திருச்சுன்னு கேள்விப்பட்டேன். எந்த உதவியாக இருந்தாலும் தயங்காமல் கேளுங்க. எனக்கு மருத்துவர்களைத் தெரியும். பார்த்துக்கலாம், தைரியமா இருங்க'ன்னு தெம்பூட்டினார்.

ரொம்ப நல்ல விஷயம்ங்க இது. இப்படியான விஷயங்களையும் நிகழ்த்திக் காட்ட முடியும்னு நினைக்கிறாங்க பாருங்க! பாடலைப் புதுப்பிச்சு டிஜிட்டல் முறைக்கேற்ப கொண்டு வர்றது எனக்கு ரொம்பவே சந்தோஷமாக இருக்கு. டிஜிட்டல் வளர்ச்சியினால் பல பாடல்களுக்கும் புது வடிவங்கள் கிடைக்குது. அதனுடைய தன்மை மாறாமலும், கெடாமலும் அதை டிஜிட்டலுக்குக் கொண்டு வருவதும் நல்லது. சில வழிகளில் டிஜிட்டல் பாடகர்களைச் சோம்பேறியாக்குதுன்னு நான் சொல்வேன். இப்போ நாம் வெறுமே பாடினாலே அதை மெருகேற்றிக் கொண்டு வர்றதுக்கு டிஜிட்டலில் பல வசதிகள் இருக்கு. அது அந்தப் பாடலுக்கு வேணும்னா உதவலாம். அந்தப் பாடலைப் பாடிய பாடகருக்கு அது உதவாது. இசைத்துறையில ஏ.ஐ போன்ற தொழில்நுட்பங்களைப் பயன்படுத்துவதை நான் வரவேற்கணும்னு சொல்லமாட்டேன். மறைந்த பாடகர்கள் நமக்குக் கொடுத்த அந்த உணர்வையே ஏ.ஐ மூலமா உருவாக்கிய பாடலும் கொடுக்கலாம். ஆனா, மறைந்த பாடகர்கள் பாடல்களைப் பாடிட்டு அடுத்து வரும் பாடகர்களுக்கு வழி அமைத்துவிட்டுப் போயிட்டாங்க. இப்படியான நேரத்திலும் அவங்க குரலைக் கொண்டு வர்றேன்னு செய்யுற விஷயத்துல எனக்கு உடன்பாடில்ல.

நான் சமீபத்துல என்னுடைய அடுத்த ஆல்பத்திற்கான வேலைகளுக்காக சில இசைக் கலைஞர்களை அழைத்திருந்தேன். பல முயற்சிகள் செய்துப் பார்த்தோம். அவங்க பண்ணினது எனக்கு முழுமையாகவே இல்ல. பிறகு, மற்றொரு குழுவினரை அழைச்சு வேலைகளை கவனிச்சேன். அவங்க ரிதம்பேட்னு ஒண்ணு இருப்பதாகச் சொல்லி அதில் இசையை அமைத்துக்கொடுத்தாங்க. அது நான் எதிர்பார்த்த விஷயத்தைக் கொடுத்தது. நம்ம பாரம்பரிய விஷயங்களைப் பாதிக்காமல் இருக்கிற வரைக்கும் அதை நாம ஏத்துக்கலாம்.

வருத்தம் இல்லாமல் எப்படி இருக்கும்! அந்த நேரத்துல நான் ரொம்பவே வருத்தப்பட்டேன். இப்படியான பாராட்டுகளையும் டிரெண்டையும் அவங்களும் இருந்திருந்தா பார்த்திருப்பாங்களேங்கிற வருத்தம் இருந்தது. அவங்களுடைய குரல் ஒரு தனித்துவமான குரல். எதை வேணாலும் இமிடேட் பண்ணலாம். ஆனா, அவங்களுடைய குரலை இமிடேட் பண்றது ரொம்பவே கஷ்டம். இத்தனை ஹிட் பாடல்கள் பாடியிருக்கோம், பாராட்டுகளை வாங்குறோம்னு தலைக்கணம் எதுவும் அவங்களுக்கு இருக்காது. ரொம்பவே இயல்பாகப் பழகக்கூடியவங்க ஸ்வர்ணலதா.

நான் தெலுங்கு, மலையாளம்னு பயணிச்சிருக்கேன். தெலுங்குல சூப்பர் ஹிட் பாடல்களைப் பாடியிருக்கேன். வாய்ப்புகள் வந்திருக்கணும். ஆனா, பெருசா அங்கிருந்து வரலைங்கிறதுதான் உண்மை. அதைப் பத்தின ஏக்கமும் எனக்கு இருக்கு. ஏன் நம்மை அங்க பாட அழைக்க மாட்டேங்குறாங்கன்னு எண்ணம் இருக்கு. இனி வரும் நாட்கள்ல அது மாறலாம். வாய்ப்புகள் வரலாம்.

அந்த நேரத்தில் மக்களிசையைப் பாடுவதற்கு நான் ஒருத்தன்தான் இருந்தேன். அதற்கு வழிபோட்டதும் நான்தான்னு பெருமையாகச் சொல்வேன். மக்களிசையைப் பல அரங்குகளுக்கு மரியாதையுடன் கொண்டு செல்ல வேண்டிய பொறுப்பு எனக்கு இருந்தது. அதை நான் சிறப்பா செஞ்சேன். ஆட்டமில்லாமல் உட்கார்ந்து மக்களிசைக்கு மரியாதை கொடுக்கும் வகையில் நான் பாடினேன். நான் நாட்டுப்புற இசையைத்தான் மக்களிசை எனச் சொல்வேன். பின்னாடி வந்தவங்க, ஆட்டமாடி பாடலை இரண்டாம் பட்சமாகக் கொண்டு போயிட்டாங்க. அதுல எனக்கு கொஞ்சம் வருத்தம். அப்போ நானொருத்தான் இருந்தேன். இவர் பாடினால் நல்லாயிருக்கும்னு காத்திருந்து ரெக்கார்ட் பண்ணியது உண்டு. நான் அப்போ ரொம்ப பிஸியாக இருந்தேன். தொடர் வெளிநாடு கச்சேரிகள் பங்கேற்றிருக்கேன். அதனால பல திரைப்படங்களில் பாடும் வாய்ப்புகளை இழந்திருக்கேன். இல்லைனா நான் நிறைய பாடல்கள் பாடியிருப்பேன். அப்போதும் நான் சம்பாதிக்கிறதுக்கு போகல. நம்முடைய ஈழத் தமிழர்களுக்காக நான் அங்க போய் பாடினேன்.