IPL 2025 : தக்கவைக்கப்படும் வீரர்களுக்கு எவ்வளவு பணம் கொடுக்கலாம்... BCCI கொடுத்த புதிய அப்டேட்!

ஐபிஎல் 2025-ல் வீரர்களுக்கான சம்பள தொகை அடுக்குகளில் முக்கிய மாற்றத்தைக் கொண்டு வந்திருக்கிறது பிசிசிஐ. இதன் மூலம் ரிட்டன்ஷன் செய்யப்படும் வீரர்களுக்கு அவர்கள் விருப்பப்படி 75 கோடியை பிரித்துக்கொடுக்கலாம்.

அதாவது ரிட்டன்ஷன் தொகை அடுக்கு, ப்ளேயர் நம்பர் 1க்கு ரூ.18 கோடி, பிளேயர் நம்பர் 2க்கு ரூ.14 கோடி, பிளேயர் நம்பர் 3க்கு ரூ.11 கோடி... என இருப்பதை உடைத்து, 75 கோடி ரூபாயை ஃப்ரான்சஸியின் விருப்பப்படி பணத்தைப் பகிர வழிவகை செய்துள்ளனர்.

75 கோடிக்குள் 5 பேருக்கான ரிட்டன்ஷன் தொகையை செலுத்த முடியாதபட்சத்தில் கூடுதல் தொகை ஏலம் எடுக்க வேண்டிய தொகையில் இருந்து கழிக்கப்படும்.

75 கோடி என்பது வரைமுறை செய்யப்பட்ட தொகை. இதை மீறி செல்லாமல் இருக்க வேண்டும் என்பதில்லை. ரிட்டன்ஷன் தொகை 75 கோடிக்கு குறைவாக இருந்தால் மீதமிருக்கும் தொகையை ஏலத்துக்கு பயன்படுத்த முடியாது.

இந்த புதிய முறையில் ரிட்டன்ஷன் முடிவுகளை எடுக்க அணி நிர்வாகத்துக்கு கூடுதல் சுதந்திரம் கிடைக்கிறது என்கின்றனர்.

உதாரணமாக சன் ரைசஸ் ஹைத்ராபாத் அணியை எடுத்துக்கொள்வோம்,

சன் ரைசஸ் ஹைத்ராபாத் அணி ட்ராவிஸ் ஹெட், அபிஷேக் சர்மா, ஹென்ரிச் க்ளாசன், பாட் கம்மின்ஸ், நிதிஷ் குமார் ரெட்டி ஆகிய 5 பேரையும் தக்க வைக்க முயற்சிக்கின்றது.

ரிட்டன்ஷனில் நம்பர் ஒன் ப்ளேயருக்கு 18 கோடி என்றால் சரியாக தக்கவைக்க முடியாது. சன் ரைசஸ் ஹைத்ராபாத் க்ளாசனுக்கு 23 கோடி வழங்க முடிவு செய்திருப்பதாக சில செய்திகள் தெரிவிக்கின்றன. இது தக்கவைக்கும் நம்பர் ஒன் ப்ளேயருக்கான தொகையை விட 5 கோடி அதிகம்.

க்ளாசன் அவரது 35 ஐபிஎல் போட்டிகளில் கிட்டத்தட்ட 1000 ரன்கள் விளாசியிருக்கிறார். 2024 ஐபிஎல்லில் 15 போட்டிகளில் 479 ரன்கள் குவித்தார். அவரது ஸ்ட்ரைக் ரேட்171.07. க்ளாசனுக்கான தொகையை சன் ரைசஸ் அணி வழங்கத்தானே வேண்டும்? மேலும் அவருக்காக மற்றொருவரை இழக்க முடியாதபடி 5 வீரர்களுமே அணிக்கு முக்கியத்துவம் வாய்ந்தவர்களாக உள்ளனர்.

இதனால்தான் புதிய நெறிமுறை ஐபிஎல்லில் அணி நிர்வாகங்களுக்கு ஆதரவாக இருப்பதாகக் கூறப்படுகிறது. இதன்படி ஒவ்வொரு அணி நிர்வாகமும் தக்கவைக்கும் வீரர் குறித்து புதிய ஸ்ட்ராடஜிகளை வகுத்து வருகின்றன.