REIT முதலீட்டிற்கு இனி Equity அந்தஸ்து - வாடகை வருமானத்தை விட அதிக வருமானம்!

REIT - தற்போது அனைவருக்கும் தெரிந்த முதலீடாக மாறி வருகிறது.

பங்குச்சந்தையில் பங்குகளில் முதலீடு செய்வதைப் போல, ரியல் எஸ்டேட் பங்குகளில் முதலீடு செய்வது ரெய்ட் (Real Estate Investment Trust) - இந்த விளக்கம் இதுவரை இது குறித்து தெரியாதவர்களின் கவனத்திற்காக.

இப்போது இந்த ரெய்ட்டிற்கு ஒரு சூப்பர் அப்டேட் வந்துள்ளது. அது குறித்து சந்தை பார்வையாளர் மாதவன் விளக்குகிறார்.

"சமீபத்தில் ரெயிட் (REIT) முதலீடுகளுக்கு இக்விட்டி அந்தஸ்து வழங்கப்பட்டுள்ளது. இதற்கு முன்பு, ரெயிட்கள் ஹைபிரிட் — அதாவது இக்விட்டி மற்றும் கடன் இரண்டின் கலவையாகக் கருதப்பட்டன.

இது ரெயிட்டில் மேலும் முதலீடுகளை ஈர்க்க உதவும் என்பது முதலீட்டாளர்களுக்கு மிக நல்ல செய்தி தான்.

ஆனால், இக்விட்டி அந்தஸ்து கிடைத்ததாலே ரெயிட் ‘மல்டி பேகர்’ — பல மடங்கு லாபம் தரும் முதலீடாக மாறிவிடும் எனக் கூற முடியாது. பொதுவாக, ரெயிட்களில் ஆண்டு வருமானம் (distribution) 5 முதல் 7 சதவீதம் வரை இருக்கும்.

உதாரணத்திற்கு...

தற்போது இந்தியாவில் ஐந்து ரெயிட்கள் இயங்குகின்றன. அவற்றின் வளர்ச்சி 5–7 சதவீதத்தில் மட்டும் நிலைத்து விடாது; யூனிட் விலை உயர்வின் மூலம் மேலும் வளர்ச்சிக்கான வாய்ப்புகளும் காணப்படுகின்றன.

உதாரணத்திற்கு, கடந்த ஆகஸ்ட் மாதம் ௹100க்கு அறிமுகமான KRT REIT, இரண்டு மாதங்களில் ரூ116ஆக (சுமார் 16 சதவீதம்) உயர்ந்துள்ளது. எனினும், இதே வேகத்தில் இது தொடர்ந்து உயரும் என உறுதியாகச் சொல்ல முடியாது.

5-7% லாபம்

மற்றொரு கோணத்தில் பார்த்தால், பொதுவாக ரியல் எஸ்டேட் சொத்துகள் 2-4 சதவீதம் வருமானம் மட்டுமே தருகின்றன. அதனை ஒப்பிடும் போது, ரெயிட் முதலீடுகள் 5–7 சதவீதம் வரை லாபம் வழங்குகின்றன.

மேலும், ரியல் எஸ்டேட்டில் முதலீடு செய்யும் அளவுக்கு பெரிய தொகை ரெயிட் முதலீட்டிற்கு தேவையில்லை. ௹100-500 இருந்தாலே ரெயிட்டில் முதலீடு செய்யலாம்.

அதனால், தொடர்ச்சியான வருமானத்தையும், குறைந்த முதலீட்டுத் தேவையையும் நாடுபவர்களுக்கு ரெயிட் ஒரு சிறந்த விருப்பமாக இருக்கலாம்".

Data in this section is not a buy/sell recommendation but only a compilation of information on various technical/volume-based parameters

Analyst certifies that all of the views, if any, expressed in this report reflect his personal views about the subject company or companies and its or their securities, and no part of his compensation was, is or will be, directly or indirectly related to specific recommendations or views expressed in this report. Analyst affirms that there exists no conflict of interest that can bias his views in this report. The Analyst does not hold any share(s) in the company/ies discussed.

INVESTMENT IN SECURITIES MARKET ARE SUBJECT TO MARKET RISKS. READ ALL THE RELATED DOCUMENTS CAREFULLY BEFORE INVESTING. Registration granted by SEBI and certification from NISM in no way guarantee the performance of the intermediary or provide any assurance of returns to investors. For a detailed disclaimer and disclosure please visit https://www.vikatan.com/business/share-market/113898-disclaimer-disclosures. Before making an investment/trading decision on the basis of this data you need to consider, with the assistance of a qualified adviser, whether the investment/trading is appropriate in light of your particular investment/trading needs, objectives and financial circumstances.

One year Price history of the daily closing price of the securities covered in this section is available at https://www.nseindia.com/report-detail/eq_security (Choose the respective symbol) /name of company/time duration)