Siragadikka aasai: முத்து - மீனா கொடுத்த அதிர்ச்சி; பல்ப் வாங்கிய ரோகிணி!

சிறகடிக்க ஆசை நேற்றைய (அக்டோபர் 23) எபிசோடில் ரோகிணி - மனோஜ் திருமண நாள் மற்றும் பிஸ்னஸ் பார்ட்டியில் குடும்பமாக அனைவரும் கலந்து கொள்ள ஒப்புக் கொள்கின்றனர். ஆரம்பத்தில் மீனாவும் ஸ்ருதியும் ஒப்புக்கொள்ளவில்லை. ரோகிணி எதையோ பேசி சம்மதிக்க வைக்கிறார். ஆச்சர்யமூட்டும் விதமாக முத்துவும் சம்மதிக்கிறார். 

இரவு தூங்க செல்வதற்கு முன் மீனாவும் முத்துவும் மனோஜ் செய்வதைப் பற்றி பேசுகின்றனர். முத்துவின் காலை மீனா பிடித்து விட முயற்சிக்க உடனே முத்து என் காலெல்லாம் பிடிக்காத என்று தடுக்க, "அட நீங்கதான் 50 காருக்கு ஓனராச்சே” என்று கிண்டல் செய்கிறார். பதிலுக்கு முத்தும் மீனாவை கலாய்க்கிறார். ஆனால் இருவரும் நிர்ப்பந்தத்தின் பேரில் ஒப்புக்கொண்டதாகவும், இது பிடிக்கவில்லை என்றும் சொல்கின்றனர். 

பெரிய ஸ்டார் ஹோட்டலில் பார்ட்டி நடக்கிறது. விஜயாவுக்கு  பழங்கால நடிகை போன்று ரோகிணி `மேக் அப்’  போட்டு விடுகிறார். விஜயாவை பார்த்ததும் அண்ணாமலை ரொமாண்டிக் லுக் விடுகிறார். அண்ணாமலை கதாபாத்திரத்தில் நடிக்கும் சுந்தர்ராஜன், தான் ஒரு ஆகச் சிறந்த நடிகர் என்பதை அடிக்கடி நிரூபிக்கிறார். 

அடுத்ததாக மனோஜ்-ரோகிணி, ரவி-ஸ்ருதி ஆகியோரும் பணக்காரர்கள் போல மேக் அப் போட்டுக் கொண்டு வருகிறார்கள். ஆனால் முத்து மீனா வர தாமதம் ஆகிறது. விஜயா அவர்களை வழக்கம் போல மட்டம் தட்டி பேசுகிறார்.

அந்த சமயத்தில் முத்து - மீனா  கெத்தாக அறைக்குள் நுழைகின்றனர். மனோஜை விட முத்து மாஸாக இருக்கிறார். முத்து எதை பற்றியும் கவலைப்படாமல், "மீனா நீ ரொம்ப அழகா இருக்க உன்ன நான் போட்டோ எடுக்கிறேன்" என்று யதார்த்தமாக நடந்து கொள்கிறார். அங்கிருந்த அனைவரும் மீனா- முத்துவை ஆச்சர்யத்துடன் பார்க்கின்றனர். 

முத்து போட்டோ எடுத்து கொண்டிருக்கும் போது, மனோஜ் போன் பேசிக்கொண்டே முத்துவை மோதுகிறார். முத்துவுக்கு கோபம் வந்து கத்துகிறார். ஆனால் யாரும் கவனிக்கவில்லை. முத்துவின் போன் கீழே விழுந்ததைப் பார்த்து வித்யா பதறி, போனுக்கு எதுவும் ஆகலையே என்று கேட்கிறார்.

பின்னர் ரோகிணி முத்துவிடம் போனை கேட்கிறார். "கொடுங்க நான் போட்டோ எடுத்து தர்றேன்" என்று கேட்க முத்து தரவில்லை. ரோகிணியின் திட்டம் தோல்வி அடைகிறது. அடுத்து வரும் எபிசோடுகளில் மனோஜின் பிஸ்னஸ் என்னவானது, இந்த பார்ட்டி எப்படி முடியும் என்பது தெரியும். 

சினிமா விகடனின் பிரத்யேக Whatsapp க்ரூப்

https://chat.whatsapp.com/E0QlpeNbGHnF9W5rFKCVSU

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://chat.whatsapp.com/E0QlpeNbGHnF9W5rFKCVSU