Siragadikka Aasai: மலேசியா மாமா சொன்ன விஷயம்; அதிர்ந்த குடும்பம், டிடெக்டிவ் ஆன முத்து

சிறகடிக்க ஆசை சீரியல் விறுவிறுப்பானக் கட்டத்தில் சென்றுகொண்டிருக்கிறது. நேற்றைய எபிசோடில் வீட்டின் மூன்று தம்பதிகளுக்குள் இருந்த மனஸ்தாபத்தை பாட்டித் தீர்த்து வைத்துவிட்டு கிளம்புகிறார்.

வீட்டில் ஒரு பாரம்பரியத் தொட்டிலைக் கொண்டு வந்து வைக்கிறார். மூன்று மருமகள்களில் யார் முதலில் குழந்தையை அந்த தொட்டிலில் போடுகிறார் என்று பார்க்கலாம் என்று செல்லமாகச் சொல்கிறார் பாட்டி. அப்போது ஸ்ருதி தனக்கு குழந்தை பிரசவிப்பதில் பயம் என்றும், வாடகை தாய் முறையில் குழந்தை பெற்றுக் கொள்ளப் போகிறேன் என்றும் சொல்கிறார். ஸ்ருதி சொன்னதைக் கேட்டு அனைவரும் அதிர்கின்றனர்.

அண்ணாமலை பொறுமையாக எடுத்துச் சொல்கிறார். வாடகை தான் முறை என்பது உடல் நலப் பிரச்னையால் குழந்தை பிரசவிக்கும் நிலையில் இல்லாத பெண்களால் பயன்படுத்தப்படும் முறை என்கிறார். ஆனாலும் ஸ்ருதி பயம் காரணமாகவும், வலியைப் பொறுத்துக்கொள்ள முடியாது என்பதாலும் தனக்குக் குழந்தை பிரசவிப்பதில் விருப்பமில்லை என்கிறார். அனைவரும் என்ன சொல்வதென்று தெரியாமல் அதிர்ந்து நிற்கின்றனர்.

ஸ்ருதி அம்மாவிடம் இதனை சொல்லி நியாயம் கேட்கவேண்டும் என்று சொன்ன விஜயாவிடம், ஸ்ருதி போக போக யதார்த்தத்தை புரிந்துகொள்வார், கொஞ்ச நாள் போகட்டும் என்கிறார் பாட்டி.

மண்டப அலங்காரம் செய்யும் இடத்தில் மீனாவுக்கு சிந்தாமணி அடியாட்களை வைத்து பிரச்னை செய்கிறார். மீனா பயந்து ஓடிவிடுவார் எனக் கனவு காண்கிறார் சிந்தாமணி. ஆனால் மீனாவும் உடன் இருப்பவர்களும் துடைப்பத்தைக் கொண்டு அடியாட்களை அடிக்கின்றனர். என் உழைப்பை உங்களால் நிறுத்த முடியாது என்று சிந்தாமணியிடம் சபதம் செய்கிறார் மீனா.

மற்றொருபுறம் முத்துவுக்கு ரோகிணி மீதுள்ள சந்தேகம் அதிகரித்துக்கொண்டே போகிறது. கடந்த ஞாயிறன்று வெளியான புரோமோவில் முத்துவும் மீனாவும் திட்டம் போட்டு ரோகிணியை பற்றிய உண்மைகளை வெளியே கொண்டு வர மும்முரம் காட்டுகின்றனர்.

மலேசியாவுக்குப் போக உள்ளதாக முத்து அண்ணாமலையிடம் சொல்கிறார். ரோகிணியின் அப்பா மலேசியாவில் ஜெயிலில் இருக்கும்போது, சம்மந்தி வீட்டில் யாருமே வந்து பார்க்கவில்லையே என்று அவர் தவறாக நினைக்கப் போகிறார் என முத்து விஜயாவிடம் சொல்கிறார்.

விஜயாவும் ஆமாம் போக வேண்டும் என்று சொல்கிறார். ஆனால் ரோகிணி அப்படியெல்லாம் பார்க்க முடியாது என்று மனோஜிடம் சொல்லி வீட்டில் யாரும் மலேசியாவுக்குப் போக வேண்டாம் என்று சொல்ல சொல்கிறார். மனோஜும் விஜயாவிடம் யாரும் மலேசியா போக வேண்டாம் என்று சொல்கிறார். அதோடு புரோமோ முடிகிறது.

தற்போது வெளியாகியுள்ள புரோமோவில் முத்துவிடம் மாட்டிக்கொள்ளப் போகிறோம் என்ற பயத்தில் மலேசியா மாமாவை வைத்துப் புதிய நாடகத்தை அரங்கேற்றுகிறார். ரோகிணியின் எதிர்ப்பை மீறி, முத்து அனைவரும் மலேசியா போகலாம் என டிக்கெட் போடுகிறார்.

ஆனால் ரோகிணி அதைத் தடுக்க மலேசியா மாமாவை வீட்டிற்கு வர வைக்கிறார். அவர் ரோகிணி அப்பா ஜெயிலில் கொல்லப்பட்டதாகப் பொய் சொல்கிறார். ரோகிணி அப்பாவின் தொழில் எதிரிகள் அனைவரும் சேர்ந்து அவரைக் கொன்று விட்டதாகக் கதைவிடுகிறார். அதுமட்டுமின்றி ரோகிணி மலேசியா வந்தால் அவரையும் அவர்கள் கொன்றுவிடுவார்கள் எனச் சொல்கிறார். இதைக் கேட்ட அண்ணாமலை முத்துவிடம் டிக்கெட்டை கேன்சல் செய்யச் சொல்கிறார்.

ரோகிணி நடிக்கிறார், பொய் சொல்கிறார் என முத்து மீனாவிடம் சொல்கிறார். இதோடு புரோமோ முடிகிறது.

அடுத்தடுத்த எபிசோடுகள் விறுவிறுப்பாக இருக்கும். முத்து எப்படி ரோகிணி நாடகத்தை கண்டுபிடிக்கப் போகிறார், ரோகிணி அதை எப்படி சமாளிப்பார்? ரோகிணியின் மலேசியா கதை பொய் என்று தெரிய வந்தால் விஜயா எப்படி ரியாக்ட் செய்வார்? இந்தக் கேள்விகளுக்கான விடை இந்த வார இறுதியில் தெரியவரும்.