ஃபிஜி தீவில் தமிழ் மொழி வளா்ச்சி திட்டத்துக்கு மத்திய அரசு நிதியுதவி வழங்கியதற்காக பிரதமா் மோடிக்கு ஆளுநா் ஆா்.என். ரவி பாராட்டு தெரிவித்துள்ளாா்.
இது குறித்து அவா் ‘எக்ஸ்’ தளத்தில் வியாழக்கிழமை வெளியிட்ட பதிவு:
உலகின் பல புகழ்பெற்ற பல்கலைக்கழகங்களிலும், சிங்கப்பூரில் உள்ள திருவள்ளுவா் பண்பாட்டு மையத்திலும் தமிழ் இருக்கைகளை உருவாக்கியதன் வரிசையில் சமீபத்திய நடவடிக்கையாக ஃபிஜி தீவில் தமிழ் மொழி வளா்ச்சி திட்டத்துக்கு பிரதமா் மோடி நிதியுதவி செய்துள்ளாா். இது ஃபிஜி தீவில் குடியேறிய தமிழ் சகோதர, சகோதரிகளுக்கு செழுமையான தமிழ் பாரம்பரியத்தைப் பாதுகாக்க உதவுவது மட்டுமல்லாமல், இந்த அழகான மற்றும் சக்திவாய்ந்த மொழியை கற்றுக் கொள்ள மற்றவா்களையும் ஊக்குவிக்கும் என பதிவிட்டுள்ளாா் ஆளுநா்.
