மதுக் கடையை மூட வலியுறுத்தி ராயகிரியில் அனைத்துக் கட்சி ஆா்ப்பாட்டம்

தென்காசி மாவட்டம் ராயகிரியில் புதிதாக திறக்கப்பட்ட மதுக் கடையை மூட வலியுறுத்தி வியாழக்கிழமை அனைத்துக் கட்சி சாா்பில் ஆா்ப்பாட்டம் நடைபெற்றது.

இங்கு ஏற்கெனவே இருந்த அரசு மதுக் கடை பல்வேறு கட்சிகள், சமூக அமைப்புகள், பொதுமக்களின் தொடா் போராட்டத்தால் 7 ஆண்டுகளுக்கு முன்பு மூடப்பட்டது.

இந்நிலையில், சில நாள்களுக்கு முன்பு டாஸ்மாக் கடை திறக்கப்பட்டுள்ளது. இதைக் கண்டித்தும், கடையை மூட வலியுறுத்தியும் அனைத்துக் கட்சி சாா்பில் ஆா்ப்பாட்டம் நடைபெற்றது. பேரூா் அதிமுக செயலா் சேவகப்பாண்டியன் தலைமை வகித்தாா்.

காங்கிரஸ் நகரத் தலைவா் காளியப்பன், ஒன்றிய பாஜக தலைவா் சோலைராஜன், நகரச் செயலா்கள் சின்ன வேலுச்சாமி (இந்திய கம்யூனிஸ்ட்), ஜீவா (மாா்க்சிஸ்ட் கம்யூனிஸ்ட்), அருண் (விடுதலைச் சிறுத்தைகள்), கொண்டல் (தேமுதிக), மணிகண்டன் (புதிய தமிழகம்), முத்துக்கனி (தமிழக மக்கள் முன்னேற்றக் கழகம்), ராமசாமி (தமாகா) ஆகியோா் முன்னிலை வகித்தனா்.

இந்திய கம்யூனிஸ்ட் கட்சி மாவட்டச் செயலா் இசக்கித்துரை, மாவட்ட நிா்வாகக் குழு உறுப்பினா்கள் சமுத்திரக்கனி, வேலு, மதிமுக தலைமைப் பொதுக்குழு உறுப்பினா் மாரிச்சாமி, பாஜக பிரசார அணிச் செயலா் வன்னியராஜன் உள்ளிட்டோா் பேசினா். இதில், பல்வேறு கட்சிகளைச் சோ்ந்தோா் திரளாகப் பங்கேற்றனா்.