அயோத்தி ராமா் கோயிலில் பாலராமா் சிலை பிரதிஷ்டையின் முதலாம் ஆண்டு கொண்டாட்டங்கள் சனிக்கிழமை தொடங்கின.
உத்தர பிரதேச மாநிலம் அயோத்தியில் பிரம்மாண்ட ராமா் கோயில் கட்டப்பட்டுள்ளது. இந்தக் கோயில் கருவறையில் கடந்த ஆண்டு ஜன.22-ஆம் தேதி 51 அங்குல உயரம் கொண்ட பாலராமா் மூலவா் சிலை, பிரதமா் மோடி முன்னிலையில் பிரதிஷ்டை செய்யப்பட்டது. இதைத்தொடா்ந்து அந்தக் கோயில் பக்தா்கள் வழிபாட்டுக்குத் திறக்கப்பட்டது.
இந்நிலையில், பாலராமா் சிலை பிரதிஷ்டை செய்யப்பட்டு ஓராண்டாக நிறைவடைவதையொட்டி விழாக்கோலம் பூண்டுள்ள அயோத்தி நகரம், பெரிய அளவில் கொண்டாட்டங்களுக்குத் தயாராகி வருகிறது.
இதையொட்டி ராமா் கோயில் அறக்கட்டளை சாா்பில் 3 நாள் விழாவுக்கு ஏற்பாடு செய்யப்பட்டுள்ளது. இந்த விழா சனிக்கிழமை தொடங்கியது. இதில் பங்கேற்குமாறு கடந்த ஆண்டு சிலை பிரதிஷ்டை நிகழ்ச்சியில் கலந்துகொள்ள முடியாத 110 மிக முக்கிய பிரமுகா்கள் மற்றும் பொதுமக்களுக்கு அழைப்பு விடுக்கப்பட்டுள்ளது.
கோயிலில் சிலை பிரதிஷ்டையின் முதலாம் ஆண்டு கொண்டாட்டங்கள் யஜுா்வேத பாராயணத்துடன் தொடங்கியது. அத்துடன் கோயில் வளாகத்தில் மத மற்றும் கலாசார நிகழ்ச்சிகளும் தொடங்கின.
இதையொட்டி மாநில முதல்வா் யோகி ஆதித்யநாத் கோயிலுக்குச் சென்று பாலராமரை மண்டியிட்டு வழிபட்டாா். பாலராமருக்கு மகாபிஷேகம் செய்யப்பட்டு தீபாராதனை கட்டப்பட்ட நிலையில், 56 பட்சணங்களும் படைக்கப்பட்டன.
‘நூற்றாண்டு கால தவம்’: சிலை பிரதிஷ்டையின் முதலாம் ஆண்டு கொண்டாட்டங்களையொட்டி, நாட்டு மக்களுக்கு வாழ்த்து தெரிவித்து பிரதமா் மோடி ‘எக்ஸ்’ தளத்தில் வெளியிட்ட பதிவு: பல நூற்றாண்டு கால தியாகம், தவம், போராட்டத்துக்குப் பின்னா், அயோத்தியில் ராமா் கோயில் கட்டப்பட்டது. தற்போது இந்தக் கோயில் நமது கலாசாரம் மற்றும் ஆன்மிக உணா்வின் மிகப் பெரிய பாரம்பரியச் சின்னமாக உள்ளது.
தெய்வீக மற்றும் அற்புதமான இந்தக் கோயில், இந்தியா வளா்ச்சியடைந்த நாடாக வேண்டும் என்ற தீா்மானத்துக்கு மிகப் பெரிய உத்வேகமாக இருக்கும் என்றாா்.
