அரசுப் பள்ளி தலைமை ஆசிரியை மீது சக ஆசிரியா் துப்பாக்கிச் சூடு

தேவ்கா்: ஜாா்க்கண்ட் மாநிலத்தில் அரசுப் பள்ளியில் தலைமை ஆசிரியையை சக ஆசிரியா் ஒருவா் துப்பாக்கியால் சுட்டாா். வகுப்பறையில் மாணவா்கள் கண்ணெதிரே நிகழ்ந்த இந்த சம்பவத்தால் பல மாணவா்கள் அதிா்ச்சியில் உறைந்தனா்.

தேவ்கா் மாவட்டம் மோகன்பூா் பகுதியில் வியாழக்கிழமை இந்த சம்பவம் நிகழ்ந்தது. துப்பாக்கி குண்டு பாய்ந்த நிலையில் தலைமை ஆசிரியை சிகிச்சை பெற்று வருகிறாா். அவா் உடல் நிலை சீராக இருப்பதாக மருத்துவா்கள் தெரிவித்தனா்.

தலைமை ஆசிரியை சாந்தினி குமாரிக்கும் ஆசிரியா் சைலேஷ் யாதவுக்கும் பள்ளி தொடா்பாக பல்வேறு விஷயங்களில் கருத்து வேறுபாடுகள் இருந்து வந்துள்ளது. இதனால், சாந்தினி குமாரி மீது சைலேஷ் யாதவ் ஆத்திரத்தில் இருந்துள்ளாா்.

வியாழக்கிழமை தலைமை ஆசிரியை சாந்தினி வகுப்பறையில் பாடம் நடத்திக் கொண்டிருந்தபோது திடீரென வகுப்பறைக்குள் நுழைந்த சைலேஷ் யாதவ், துப்பாக்கியை எடுத்து அவரை நோக்கி சரமாரியாக சுட்டாா். ஒரு குண்டு கையில் பாய்ந்து ரத்தம் கொட்டியதால் தலைமை ஆசிரியை கீழே சரிந்தாா். இந்த சம்பவத்தால் வகுப்பறையில் இருந்த மாணவா்கள் பலா் அதிா்ச்சியில் உறைந்தனா். மேலும், சிலா் வகுப்பறையில் இருந்து ஓட்டம் பிடித்தனா்.

பள்ளியில் இருந்த பிற ஆசிரியா்கள் தலைமை ஆசிரியை சாந்தினியை மீட்டு மருத்துவமனையில் சோ்த்தனா். துப்பாக்கிச் சூடு நடத்திய ஆசிரியா் சைலேஷ் யாதவ் அங்கிருந்து தப்பியோடிவிட்டாா்.

இந்த சம்பவம் குறித்து தகவலறிந்த காவல் துறையினா் சம்பவ இடத்துக்கு வந்து ஆய்வு செய்தனா். சைலேஷ் யாதவ் மீது வழக்குப் பதிவு செய்து அவரைத் தேடி வருகின்றனா்.