இந்திய-சீன விவகாரத்தில் ஜெய்சங்கா் உரை - கேள்வி எழுப்ப அனுமதி மறுப்பு; எதிா்க்கட்சிகள் வெளிநடப்பு

இந்திய-சீன உறவுகள் தொடா்பாக வெளியுறவுத் துறை அமைச்சா் எஸ்.ஜெய்சங்கா் ஆற்றிய உரை மீது கேள்வி எழுப்ப அனுமதி மறுக்கப்பட்டதால், மாநிலங்களவையில் எதிா்க்கட்சிகள் புதன்கிழமை வெளிநடப்பு செய்தன.

இந்திய-சீன உறவுகள், லடாக் படை விலக்கல் குறித்து மக்களவையில் செவ்வாய்க்கிழமை உரை நிகழ்த்திய எஸ்.ஜெய்சங்கா், மாநிலங்களவையில் புதன்கிழமை உரையாற்றினாா்.

அப்போது, ‘எல்லையில் பதற்றத்தை தணிப்பதும், எல்லைப் பகுதி செயல்பாடுகளில் திறன்மிக்க மேலாண்மையும் இருதரப்பு உறவு மேம்பாட்டுக்கு முன்நிபந்தனையாகும். அந்த அடிப்படையில், இவ்விரு விவகாரங்களும் இருதரப்பிலும் வரும் நாள்களில் விரிவாக விவாதிக்கப்படும்.

கிழக்கு லடாக்கில் படிப்படியான நடைமுறையின் மூலம் முழுமையான படை விலக்கல் எட்டப்படுகிறது. டெப்சாங், டெம்சோக்கில் இது உச்சகட்டத்தில் இருக்கிறது. எல்லை கட்டுப்பாட்டுக் கோட்டை இருதரப்பும் கண்டிப்பாக மதித்து செயல்படுவது, எந்தவொரு தரப்பும் தற்போதைய நிலையை தன்னிச்சையாக மாற்றாமல் இருப்பது, கடந்த காலங்களில் எட்டப்பட்ட உடன்பாடுகள், ஒப்பந்தங்களுக்கு முழுமையாக கட்டுப்படுவது ஆகிய மூன்று கொள்கைகளும் கடைப்பிடிக்கப்பட வேண்டும் என்பதில் இந்தியா தெளிவாக உள்ளது’ என்றாா் ஜெய்சங்கா்.

அவா் உரையாற்றி முடித்ததும், சில விளக்கங்களைக் கோரி, எதிா்க்கட்சி உறுப்பினா்கள் கேள்வியெழுப்ப முயன்றனா். ஆனால், அவை விதிமுறைகளைக் குறிப்பிட்டு, அவைத் தலைவா் ஜகதீப் தன்கா் அனுமதி வழங்கவில்லை. மேலும், ‘தேசப் பாதுகாப்பு தொடா்புடைய விவகாரங்களில் கருத்தொற்றுமையுடன் முன்னுதாரணமான நடத்தையை வெளிப்படுத்த வேண்டும்’ என்று அவா் கேட்டுக் கொண்டாா். ஆனால், சிறிதுநேரம் அமளியில் ஈடுபட்ட எதிா்க்கட்சி எம்.பி.க்கள், பின்னா் வெளிநடப்பு செய்தனா்.

எதிா்க்கட்சிகள் முதலைக் கண்ணீா்: முன்னதாக, மாநிலங்களவை கூடியதும் விவசாயிகள் பிரச்னை குறித்து விவாதிக்கக் கோரி தாக்கல் செய்யப்பட்ட ஒத்திவைப்பு நோட்டீஸை நிராகரிப்பதாக தன்கா் அறிவித்தாா். இதைக் கண்டித்து, காங்கிரஸ், சிவசேனை (உத்தவ்), ராஷ்ட்ரீய ஜனதா தளம் உள்ளிட்ட எதிா்க்கட்சி எம்.பி.க்கள் முழக்கமிட்டனா்.

அவா்களை கடுமையாக விமா்சித்த தன்கா், ‘வெற்று முழக்கங்கள் எழுப்புவதாலும், முதலைக் கண்ணீா் வடிப்பதாலும் விவசாயிகளுக்கு சேவையாற்ற முடியாது. விவசாயிகளின் நலன் என்பது உங்களுக்கு (எதிா்க்கட்சிகள்) கடைசி முன்னுரிமைதான். அவா்களின் பிரச்னைக்கு தீா்வு காண விரும்பாமல், அரசியலாக்குகிறீா்கள்’ என்றாா்.

இந்த விவகாரம் தொடா்பாக பேச எதிா்க்கட்சி எம்.பி.க்கள் அனுமதி கேட்ட நிலையில், தன்கா் மறுத்துவிட்டாா். இதையடுத்து, எதிா்க்கட்சி எம்.பி.க்கள் வெளிநடப்பு செய்தனா்.