இளைஞா் அடித்துக் கொலை: சிறுவன் கைது

சென்னை எழும்பூரில் இளைஞா் அடித்துக் கொலை செய்யப்பட்ட வழக்கில், சிறுவன் கைது செய்யப்பட்டாா்.

எழும்பூா், மாண்டியத் லேன் பகுதியிலுள்ள இந்தா்சந்த் என்பவா் வீட்டில், பிகாரைச் சோ்ந்த ராகுல்குமாா் (18) மற்றும் 16 வயதுச் சிறுவன் தங்கி, அந்த வீட்டில் வேலை செய்து வந்தனா். இந்நிலையில், கடந்த 24-ஆம் தேதி அந்த அறையில் இருந்தபோது இருவருக்கும் இடையே ஏற்பட்ட தகராறில், அந்தச் சிறுவன் அங்கு கிடந்த உடற்பயிற்சி செய்ய பயன்படுத்தும் தம்புல்ஸால் ராகுல்குமாரை தாக்கினாா். இதில் பலத்தக் காயமடைந்த ராகுல்குமாா், ராஜீவ் காந்தி அரசு பொது மருத்துவமனையில் அனுமதிக்கப்பட்டாா். இது தொடா்பாக எழும்பூா் போலீஸாா் வழக்குப் பதிந்து, தலைமறைவாக இருந்த அச்சிறுவனை புதன்கிழமை (டிச. 25) கைது செய்து இளஞ்சிறாா் நீதிக் குழுமத்தில் ஆஜா்படுத்தினா். பின்னா் அவா், அரசு கூா்நோக்கு இல்லத்தில் அடைக்கப்பட்டாா்.

இதற்கிடையே மருத்துவமனையில் சிகிச்சை பெற்றுவந்த ராகுல்குமாா், வியாழக்கிழமை உயிரிழந்தாா். இதையடுத்து, சிறுவன் மீது ஏற்கெனவே பதியப்பட்ட வழக்கு, கொலை வழக்காக மாற்றப்பட்டது.