உக்ரைன் எல்லையையொட்டி தயார் நிலையில் வட கொரிய படைகள்!

சியோல்(தென் கொரியா): வட கொரியா தன் நெருங்கிய நட்பு நாடான ரஷியாவுக்கு ராணுவ உதவிகளை செய்து வருகிறது. அந்த வகையில், வட கொரிய ராணுவத்தை சேர்ந்த ஆயிரக்கணக்கான வீரர்கள் ரஷியாவுக்கு அனுப்பப்பட்டுள்ளனர்.

இந்த நிலையில், உக்ரைன் நாட்டின் வடக்கு எல்லையையொட்டிய குர்ஸ்க் பகுதியில் ராணுவ நடவடிக்கைகளை மேற்கொள்ள, வட கொரிய படைகள் தயார் நிலையில் இருப்பதாக தென் கொரிய உளவு முகமை உறுதிப்படுத்தியுள்ளது.

முன்னதாக, உக்ரைனுக்கு எதிரான சண்டையில் ரஷிய படைகளுடன் இணைந்து, இப்போது வட கொரிய படைகளும் போரிட்டு வருவதாக அமெரிக்கா தெரிவித்துள்ள நிலையில், இந்த தகவலை தென் கொரிய தரப்பும் இன்று உறுதிப்படுத்தியுள்ளது.