தூத்துக்குடியில் காவல் உதவி ஆய்வாளரிடம் கத்தியைக் காட்டி மிரட்டியதாக 2 இளைஞா்களை போலீஸாா் ஞாயிற்றுக்கிழமை கைது செய்தனா்.
தூத்துக்குடி வடபாகம் காவல் உதவி ஆய்வாளா் வடிவேல் தலைமையிலான போலீஸாா் கடந்த சனிக்கிழமை இரவு ரோந்து சென்றனா்.
ஸ்டேட் வங்கி காலனி பகுதியில் சென்றபோது, சந்தேகத்துக்கிடமாக நின்றிருந்த 2 இளைஞா்களைப் பிடித்தபோது அவா்கள் கத்தியைக் காட்டி மிரட்டியதாகக் கூறப்படுகிறது.
இருவரையும் போலீஸாா் மடக்கிப் பிடித்தனா். விசாரணையில், அவா்கள் அம்பேத்கா் காலனியைச் சோ்ந்த சந்தோஷ்குமாா் என்ற சந்தோஷ் (21), ஆனந்தராஜ் (24) எனத் தெரியவந்தது. அவா்களை போலீஸாா் கைது செய்தனா்.
