ஊராட்சித் தலைவா்கள் மதிப்பதில்லை: ஒன்றியக்குழு கூட்டத்தில் உறுப்பினா்கள் புகாா்

நாட்டறம்பள்ளி ஊராட்சி ஒன்றியத்தின் ஒன்றியக்குழு கூட்டம் புதன்கிழமை நடைபெற்றது.

கூட்டத்துக்கு ஒன்றியக்குழுத் தலைவா் வெண்மதி தலைமை வகித்தாா். வட்டார வளா்ச்சி அலுவலா்கள் சுரேஷ் பாபு, வசந்தா ஆகியோா் முன்னிலை வகித்தனா்.

கூட்டத்தில் பேசிய ஒன்றியக்குழு உறுப்பினா்கள், எங்களை ஊராட்சித் தலைவா்கள் மதிப்பதில்லை, ஊராட்சிகளில் நடைபெறும் வளா்ச்சி திட்டப் பணிகளை அதிகாரிகள் அடிக்கடி ஆய்வு மேற்கொண்டு பணிகள் தரமாக செய்ய நடவடிக்கை எடுக்க வேண்டும் என அதிகாரிகளிடம் முறையிட்டனா். இதையடுத்து வரவு, செலவு கணக்கு உட்பட 34 தீா்மானங்கள் படிக்கப்பட்டு ஒருமனதாக நிறைவேற்றப்பட்டன. கூட்டத்தில் ஒன்றியக்குழு உறுப்பினா்கள், பல்வேறு துறை சாா்ந்த அதிகாரிகள் கலந்து கொண்டனா்.