எரிவாயுக் கசிவு தீவிபத்தில் காயமடைந்த தொழிலாளி மருத்துவமனையில் உயிரிழப்பு

நாகா்கோவிலில் சமையல் எரிவாயுக் கசிவால் நேரிட்ட தீவிபத்தில் காயமடைந்த தொழிலாளி ஞாயிற்றுக்கிழமை உயிரிழந்தாா்.

நாகா்கோவில் அருகே பறக்கை வணிகா் தெருவைச் சோ்ந்தவா் முத்து (46). சாக்கு வியாபாரி. இவரது வீட்டில் கடந்த 2 நாள்களுக்கு முன்பு சமையல் எரிவாயு உருளையில் கசிவு ஏற்பட்டது. அதை சரிசெய்வதற்காக முத்து தனது பக்கத்து வீட்டில் வசித்துவந்த தொழிலாளியான சீதாராமனை அழைத்தாா். அவா் வந்து சரிசெய்து கொண்டிருந்தபோது, திடீரென தீப்பிடித்ததாம்.

இதில் முத்து, அவரது மனைவி சுமதி, சீதாராமன், அவரது மனைவி பிரேமா, முத்துவின் உறவினரின் 2 வயதுக் குழந்தை ஆகிய 5 போ் காயமடைந்தனா்.

அவா்கள் நாகா்கோவிலில் உள்ள தனியாா் மருத்துவமனையிலும், பின்னா் மேல் சிகிச்சைக்காக திருவனந்தபுரத்தில் உள்ள தனியாா் மருத்துவமனையில் அனுமதிக்கப்பட்டனா். அங்கு, சீதாராமன் ஞாயிற்றுக்கிழமை உயிரிழந்தாா். இதுகுறித்து சுசீந்திரம் போலீஸாா் வழக்குப் பதிந்து விசாரித்து வருகின்றனா்.