ஏஐ தொழில்நுட்பத்தால் தீா்ப்பு வழங்க முடியாது: உயா்நீதிமன்ற நீதிபதி பி.பி.பாலாஜி

நீதிமன்றங்களில் தீா்ப்பு வழங்கும் நீதிபதிகளுக்கு அனுதாபம், இரக்க குணம் இருக்க வேண்டும். அந்தவகையில் செயற்கை நுண்ணறிவு (ஏஐ) தொழில்நுட்பத்தால் சரியான தீா்ப்பை வழங்க முடியாது என்று சென்னை உயா்நீதிமன்ற நீதிபதி பி.பி.பாலாஜி கூறினாா்.

எழுத்தாளா் ஆஸ்பைா் கே. சுவாமிநாதன் மற்றும் வழக்குரைஞா் அனிதா தாமஸ் இணைந்து எழுதிய ‘ஜெனரேட்டிவ் ஏஐ இன் த கோா்ட் ரூம்’ என்னும் ஆங்கில புத்தகத்தை உயா்நீதிமன்ற நீதிபதி பி.பி.பாலாஜி சென்னை தியாகராய நகரில் சனிக்கிழமை நடைபெற்ற நிகழ்வில் வெளியிட்டாா். அதன் முதல் பிரதியை ஓய்வு பெற்ற ஐ.ஏ.எஸ். அதிகாரி டேவிதாா் பெற்றுக்கொண்டாா்.

பின்னா் நீதிபதி பி.பி. பாலாஜி பேசியதாவது: அனைத்து துறைகளிலும் செயற்கை நுண்ணறிவு (ஏஐ) தொழில்நுட்பத்தின் பங்களிப்பு அதிகரித்து வருகிறது. நீதிமன்ற வழக்குகளை ஒருங்கிணைப்பது, ஒரே மாதிரியான வழக்குகளை கண்டறிதல், வழங்குகள் தொடா்பாக ஆராய்ச்சிகள் மேற்கொள்வது என நீதித் துறையில் ஏஐ தொழில்நுட்பத்தால் பல்வேறு மாற்றங்களை கொண்டுவரமுடியும்.

அதன் மூலம், நீதிபதிகளால் வழக்கத்தை விட மிக வேகமாக தீா்ப்புகளை வழங்க முடியும். அதேநேரத்தில் இரக்க குணம், அனுதாபம் உள்ளிட்ட உணா்வுகள் கொண்ட நீதிபதிகளால்தான் சரியான தீா்ப்பு வழங்க முடியும். அந்த வகையில், ஒரு நீதிபதி ஏஐ தொழில்நுட்பத்தின் உதவியுடன் தீா்ப்பு வழங்கலாம். ஆனால், ஏஐ தொழில்நுட்பத்தால் தானாக ஒரு சரியான தீா்ப்பை வழங்க முடியாது. அதற்கு அனுமதி வழங்கவும்கூடாது. தொழில்நுட்பங்களை நமக்கு சேவை செய்ய பயன்படுத்த வேண்டுமே தவிர, அவற்றை நமக்கு முதலாளிகளாக மாற்றக்கூடாது என்றாா் அவா்.

இந்நிகழ்வில் விஜயபூமி பல்கலைக்கழக பேராசிரியா் தட்சிணாமூா்த்தி உள்பட பலா் கலந்துகொண்டனா்.