ஏர் இந்தியா விமான விபத்து! கடைசி நிமிடங்களில் நடந்தது என்ன? விடியோ

ஆமதாபாத்: குஜராத் மாநிலம் ஆமதாபாத் விமான நிலையத்திலிருந்து லண்டன் புறப்பட்ட ஏர் இந்தியா 171 விமானம் இன்று பகல் 1.43 மணிக்கு விழுந்து விபத்துக்குள்ளானது.

இந்த விமானம் ஆமதாபாத் சர்தார் வல்லபபாய் படேல் சர்வதேச விமான நிலையத்திலிருந்து ஜூன் 12ஆம் தேதி பகல் 1.38 மணிக்குப் புறப்பட்டது. விமானம் ஓடுபாதையிலிருந்து புறப்பட்டு மேலெழும்பியது. விமானம் புறப்பட்ட வேகம் நீடிக்கவில்லை. மேலெழும்பவே பெரிதும் போராடியது. தொடர்ந்து மேலெழும்ப முடியாமல் வளைந்து, வேகமாக கீழே இறங்கத் தொடங்கியது. சற்று வினாடிக்கெல்லாம் விமானம் கீழே விழுந்து வெடித்துச் சிதறியது. இது அனைத்தும், விமானம் விபத்துக்குள்ளாகும்போது எடுக்கப்பட்ட விடியோவில் பதிவாகியிருக்கிறது.

1.38 மணிக்குப் புறப்பட்ட சில வினாடிகளில் அதாவது 1.39 மணிக்கெல்லாம் மே டே கால் எனும் அவசர அழைப்பு வந்துள்ளது. அழைப்பு வந்த ஒரு சில வினாடிகளில் அழைப்புத் துண்டிக்கப்பட்டு விமானம் விபத்துக்குள்ளாகியிருக்கிறது.