ஓட்டுநா் கொலை வழக்கில் இளம்பெண் உள்பட இருவா் கைது

மகாராஜகடை அருகே ஓட்டுநா் கொலை வழக்கில் இளம்பெண் உள்பட இருவரை போலீஸாா் வியாழக்கிழமை கைது செய்தனா்.

கிருஷ்ணகிரி மாவட்டம், மகாராஜகடை அருகே உள்ள பெரிய தக்கேப்பள்ளியைச் சோ்ந்தவா் காா்த்திக் (30). ஓட்டுநா். இவரது மனைவி பிரியா. இவா்களுக்கு மகன், மகள் உள்ளனா். காா்த்திக் வட்டிக்கு கடன் கொடுத்தும், ஆடுகள் வளா்க்கும் தொழிலும் செய்துவந்தாா்.

இந்நிலையில், காா்த்திக் கடந்த சனிக்கிழமை இரவு போத்திநாயனப்பள்ளியில் உள்ள ஆட்டுப்பட்டிக்கு காவலுக்குச் சென்றவா் மறுநாள் எரிந்த நிலையில் சடலமாகக் கிடப்பதாக போலீஸாருக்கு தகவல் கிடைத்தது. போலீஸாா் உடலை மீட்டு பிரேத பரிசோதனைக்கு அனுப்பி வைத்தனா். போலீஸாரின் முதற்கட்ட விசாரணையில் மா்மநபா்கள் காா்த்திக் கொன்று எரிந்தது தெரியவந்தது. இதுகுறித்து மகாராஜகடை போலீஸாா் கொலை வழக்குப் பதிந்து விசாரணை மேற்கொண்டனா்.

விசாரணையில் காா்த்திக் ஒரு பெண்ணிடம் கைப்பேசியில் அதிகம் பேசியிருப்பது தெரியவந்தது.

இதையடுத்து கிருஷ்ணகிரியை அடுத்த பழையூரைச் சோ்ந்த புவனேஸ்வரி (22) என்ற பெண்ணை பிடித்து போலீஸாா் விசாரணை நடத்தியதில், காா்த்திக்கும் புவனேஸ்வரியும் பழகிவந்தது தெரியவந்தது.

சிறிது காலத்துக்கு பின் புவனேஸ்வரி அவரை விடுத்து தருமபுரி மாவட்டம், மதிகோண்பாளையத்தைச் சோ்ந்த தினேஷ்குமாா் (25) என்பவரை ஓராண்டாக காதலித்து வந்தாா். இருவரும் காதலிப்பதை அறிந்த காா்த்திக் இதுகுறித்து புவனேஸ்வரியிடம் தகராறு செய்துள்ளாா். பின்னா் புவனேஸ்வரியும் தினேஷ்குமாரும் சோ்ந்து இரும்புக் கம்பியால் காா்த்திக்கை தாக்கி கொலை செய்து பெட்ரோல் ஊற்றி தீவைத்து எரித்தது போலீஸாா் விசாரணையில் தெரியவந்தது. இதையடுத்து போலீஸாா் புவனேஸ்வரியையும், தினேஷ் குமாரையும் வியாழக்கிழமை கைது செய்தனா்.