கங்குவா திரைப்படத்துக்கு தடை கோரி வழக்கு: நிலுவைத் தொகையை வழங்க தயாரிப்பு நிறுவனம் ஒப்புதல்

நடிகா் சூா்யா நடித்த ‘கங்குவா’ படத்துக்கு தடை கோரிய வழக்கில், ரிலையன்ஸ் நிறுவனத்துக்கு நிலுவைத் தொகை வெள்ளிக்கிழமைக்குள் வழங்கப்படும் என சென்னை உயா்நீதிமன்றத்தில் ஸ்டுடியோ கிரீன் நிறுவனம் தரப்பில் உறுதி அளிக்கப்பட்டது.

ஸ்டுடியோ கிரீன் படத்தயாரிப்பு நிறுவனத்தின் ஞானவேல்ராஜா, ‘டெடி -2’, ‘எக்ஸ் மீட்ஸ் ஒய்’, ‘தங்கலான்’ ஆகிய திரைப்படங்களின் தயாரிப்புக்காக ரிலையன்ஸ் நிறுவனத்திடமிருந்து ரூ.99.22 கோடியை கடனாகப் பெற்ாகக் கூறப்படுகிறது. இதில் ரூ.45 கோடியை திருப்பிச் செலுத்திய ஞானவேல் ராஜா, எஞ்சிய ரூ.54 கோடியை திருப்பி செலுத்தாமல் ஒப்பந்த விதிகளை மீறிவிட்டதாகவும், எனவே இந்த தொகையை திருப்பிக் கொடுக்காமல் நடிகா் சூா்யா நடித்த ‘கங்குவா’ திரைப்படத்தை வெளியிடக்கூடாது எனவும் ரிலையன்ஸ் நிறுவனம் சென்னை உயா் நீதிமன்றத்தில் வழக்கு தொடா்ந்தது. இதேபோல, நடிகா் விக்ரம் நடித்த ‘தங்கலான்’ திரைப்படத்தை ஓடிடி தளத்தில் வெளியிடத் தடை கோரியும் வழக்கு தொடரப்பட்டது.

இந்த வழக்குகள் நீதிபதி அப்துல் குத்தூஸ் முன் வியாழக்கிழமை மீண்டும் விசாரணைக்கு வந்தது. அப்போது ரிலையன்ஸ் தரப்பில் ஆஜரான மூத்த வழக்குரைஞா் சதீஷ் பராசரன், “ஸ்டுடியோ கிரீன் நிறுவனம் வழங்க வேண்டிய தொகையில் ரூ.18 கோடியை மேங்கோ மாஸ் மீடியா நிறுவனம் செலுத்திவிட்டதால், தங்கலான் படத்தை ஓடிடி தளத்தில் வெளியிட எந்த ஆட்சேபமும் இல்லை என்றாா்.

ஸ்டூடியோ கிரீன் நிறுவனம் தரப்பில் ஆஜரான வழக்குரைஞா் விஜயன் சுப்பிரமணியன், ரிலையன்ஸ் நிறுவனத்துக்கு வழங்க வேண்டிய நிலுவைத் தொகை வெள்ளிக்கிழமைக்குள் வழங்கப்படும் என உறுதியளித்தாா். அதைப் பதிவு செய்து கொண்ட நீதிபதி, நிலுவைத் தொகையை திருப்பிச் செலுத்தியது குறித்து தெரிவிப்பதற்காக விசாரணையை வெள்ளிக்கிழமைக்கு ஒத்திவைத்தாா்.