அமெரிக்காவில் கல்வி; 500 கோடிக்கு மேல் சொத்து; அடுத்தடுத்து வழக்குகள் - யாரிந்த ...
சென்னையில் நடைபெறும் கச்சேரிகளுக்கு 10 சதவீதம் பொழுதுபோக்கு வரி வசூலிக்கப்படும் என சென்னை மாநகராட்சி அறிவித்துள்ளது.
இது தொடா்பாக சென்னை மாநகராட்சி சாா்பில் வெளியிடப்பட்ட செய்திக் குறிப்பு:
தமிழக அரசு கேளிக்கை வரிச் சட்டம் 2017-இன்படி, சென்னை மாநகராட்சியில் 2017 ஜூலை 1 முதல் கேளிக்கை வரி வசூலிக்கப்பட்டு வருகிறது. கேளிக்கை வரிச் சட்டத்தின் பிரிவு 2 (8) மற்றும் 3 (10) கீழ் சட்டத் திருத்தம் மேற்கொள்ளப்பட்டு 2025 ஏப்.17 முதல் நடைமுறைப்படுத்தப்படுவதாக மாவட்ட அரசிதழில் அறிக்கை வெளியிடப்பட்டுள்ளது.
பிரிவு 2 (8)-இன்படி, கட்டணம், பங்களிப்பு, சந்தா அல்லது வேறு வகையான கட்டணங்கள் வசூலித்து நுழைவதற்கான அனுமதி வழங்கப்படும். மண்டபங்கள், பள்ளி-கல்லூரி மேடைகள், அரங்கங்கள், வளாகங்கள் அல்லது பிற இடங்களில் நடத்தப்படும் கச்சேரிகள், நாடகங்கள், நிகழ்ச்சிகள், நிகழ்வுகள் மற்றும் பிற பொழுதுபோக்கு நிகழ்ச்சிகள், பிரிவு 3 (10)-இன்படி ஏதேனும் நிறுவன வளாகத்தில் அல்லது பிற இடங்களில் நடத்தப்படும் கச்சேரி, நாடகம், மற்றும் பிற பொழுதுபோக்கு நிகழ்வுகளுக்கு ஒவ்வொரு நுழைவுக் கட்டணத்திலும் 10 சதவீதம் பொழுதுபோக்கு வரி வசூலிக்கப்படும்.
இந்த சட்டத் திருத்தத்தின்படி, சென்னை மாநகராட்சி எல்லைக்குள்பட்ட பகுதிகளிலுள்ள கல்வி நிலையங்கள், கல்லூரி வளாக அரங்கங்களில் அல்லது பிற இடங்களில் நடைபெறும் பொழுதுபோக்கு நிகழ்ச்சிகளுக்கு விற்பனை செய்யப்படும் நுழைவுச் சீட்டில் 10 சதவீதம் கேளிக்கை வரியாக வசூலிக்க வழிவகை செய்யப்பட்டுள்ளது எனத் தெரிவிக்கப்பட்டுள்ளது.
